سی پی آئی (ایم) وفد کی ڈاکٹر فاروق عبداللہ سے ملاقات

سرینگر//
کمیونسٹ پارٹی آف انڈیا (ایم) کے ایک اعلیٰ سطحی وفد ، جو اس وقت جموں و کشمیر کے دورے پر ہے ، نے آج نیشنل کانفرنس کے صدر ڈاکٹر فاروق عبداللہ سے ان کی رہائش گاہ پر ملاقات کی۔
اس موقعے پر وزیر اعلیٰ کے مشیر ناصر اسلم وانی اور ترجمان اعلیٰ و ایم ایل اے زیڈی بل تنویر صادق بھی موجود تھے ۔
وفد میں جنرل سکریٹری سی پی آئی (ایم)کامریڈ ایم اے بیبی ، لوک سبھا ممبر امرا رام ، لوک سبھا ممبر کے رادھا کرشنن، راجیہ سبھا رکن جان برٹاس، لوک سبھا ممبر ایس یو وینکٹیشن، راجیہ سبھا ممبر بکاش رنجن ، راجیہ سبھا ممبر اے اے رحیم، سی سی ممبر و ایم ایل اے ایم وائی تاریگامی، ریاستی سکریٹری محمد عباس راتھر شامل تھے ۔
ملاقات کے دوران جموں و کشمیر کی موجودہ صورتحال پر تبادلہ خیال کیا گیا، دونوں فریقوں نے امن، بات چیت اور لوگوں کے جمہوری اور آئینی حقوق کے تحفظ کی اہمیت پر زور دیا۔
یہ اتفاق رائے سے محسوس کیا گیا کہ جموں و کشمیر کے لوگ دیرپا امن، وقار اور استحکام کے خواہاں ہیں۔