سانبہ میںمنشیات فروشوں کے حملے میں تین پولیس اہلکار زخمی

جموں/۱۰؍ اپریل
جموں کشمیر کے ضلع سانبا میں منشیات فروشوں کے حملے میں ایک ایس ایچ او سمیت تین پولیس اہلکار زخمی ہوگئے جبکہ دو مختلف واقعات میں مشتبہ منشیات کی زیادتی سے ایک نوجوان کی موت ہوگئی۔
پولیس نے جمعرات کو بتایا کہ منشیات کے ہاٹ اسپاٹ سمجھے جانے والے بلولے کھڈ میں منشیات فروشوں کی موجودگی کے بارے میں خفیہ اطلاع پر کارروائی کرتے ہوئے پولیس ٹیم نے چہارشنبہ کی رات جائے وقوعہ پر چھاپہ مارا۔
ایس ایچ او بڑی برہمنا، انسپکٹر پشپندر سنگھ کی سربراہی میں پولیس ٹیم کی جانب سے پکڑے جانے کی پریشانی کو بھانپتے ہوئے منشیات فروشوں نے ان پر پتھروں اور اینٹوں سے حملہ کیا۔
حملے میں ایس ایچ او سمیت تین پولیس اہلکار شدید زخمی ہوئے اور منشیات فروش پولیس کو پرچی دینے میں کامیاب ہوگئے۔
زخمی پولیس اہلکاروں میں بڑی برہمنا پولیس اسٹیشن کے ایس ایچ او انسپکٹر پشپندر سنگھ، پی ایس آئی ابرار الحق اور بری برہمنا میں تعینات سلیکشن گریڈ کانسٹیبل سورن کمار شامل ہیں۔
دریں اثناء ایک اور واقعہ میں ضلع جموں وا کی تحصیل سچیت گڑھ کے رہائشی لکھوندر کمار نامی شخص کی نعش اندرا کالونی کے قریب جنگلاتی علاقے سے مشکوک حالت میں برآمد ہوئی ہے۔
پولیس کا کہنا ہے کہ مشتبہ منشیات کی زیادتی کی وجہ سے ان کی موت ہوئی ہے اور مقدمہ درج کر کے تحقیقات شروع کر دی گئی ہیں۔
پولیس کا کہنا ہے کہ لاش تمام قانونی کارروائی اور پوسٹ مارٹم کے بعد ورثا کے حوالے کردی گئی ہے۔
دریں اثنا منشیات کے خلاف جنگ کو جاری رکھتے ہوئے پولیس نے شمالی کشمیر کے قصبہ سوپور میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن سوپور کی ایک پارٹی نے سپر بازار کے نزدیک بٹہ پورہ کراسنگ پر ایک ناکے کے دوران ایک شخص کو روکا۔
ترجمان نے کہا کہ تلاشی کے دوران اس کی تحویل سے چرس جیسے مواد کی دو چھڑیاں بر آمد کی گئیں جس کے بعد اس کی گرفتاری عمل میں لائی گئی۔
گرفتار شدہ کی شناخت آصف احمد شیخ ولد غلام محمد شیخ ساکن شاہ آباد سوپور کے طور پر کی گئی ہے ۔
ترجمان نے بتایا کہ اس سلسلے میں پولیس اسٹیشن سوپور میں متعلقہ دفعات کے تحت ایک کیس درج کرکے مزید تحقیقات شروع کی گئی ہیں۔
ترجمان نے کہا کہ پولیس منشیات کی بیخ کنی کو یقینی بنانے کیلئے لوگوں سے تعاون کرنے کی اپیل کرتی ہے ۔