راجوری کے جنگلات میں تلاشی آپریشن کا آغاز

جموں//
جموںکشمیر کے راجوری ضلع کے سندر بنی سیکٹر میں مشکوک افراد کی نقل وحرکت پر سیکورٹی فورسز نے بڑے پیمانے پر تلاشی آپریشن شروع کیا ہے ۔
اطلاعات کے مطابق راجوری کے سندر بنی سیکٹر میں چند مقامی افراد نے مشتبہ افراد کو دیکھا گیا اور فوری طورپر پولیس کو اس کی جانکاری فراہم کی۔
ذرائع کے مطابق اطلاع موصول ہوتے ہی پولیس، سی آر پی ایف اور فوج نے مشترکہ طورپر سندر بنی سیکٹر کو محاصرے میں لے کر تلاشی آپریشن شروع کیا۔
معلوم ہوا ہے کہ سیکورٹی فورسز نے ایک وسیع العریض جنگلی علاقے کو سیل کرکے فرار ہونے کے سبھی راستوں پر پہرے بٹھا دئے ہیں۔
آخری اطلاعات موصول ہونے تک تلاشی آپریشن جاری تھا۔اس سلسلے میں مزید تفصیلات کا انتظار ہے ۔
دریں اثنا جموںکشمیر کے ریاسی ضلع کے ٹانڈا گاوں میں۷۱سالہ معمر شہری نے مبینہ طورپر اپنی زندگی کا خاتمہ کیا ہے ۔
اطلاعات کے مطابق ریاسی کے ٹانڈا گاوں میں پیر کے روز۷۱سالہ عبدالکریم کی گولیوں سے چھلنی لاش برآمد کی گئی ۔
معلوم ہوا ہے کہ پولیس نے لاش کو تحویل میں لے کر قانونی اور طبی لوازمات پورے کرنے کے بعد میت وارثین کے حوالے کی۔
پولیس ذرائع کے مطابق ابتدائی تحقیقات کے دوران منکشف ہوا ہے کہ معمر شہری نے بارہ بور رائفل سے اپنی زندگی کا چراغ گل کیا ہے ۔
دریں اثنا پولیس نے اس ضمن میں کیس درج کرکے مزید تحقیقات شروع کی ۔