کپواڑہ کے کئی پہاڑی علاقوںمیں ۱۷مارچ تک اسکول بند رہیں گے

سرینگر//
نامساعد موسمی صورتحال کے پیش نظر شمالی کشمیر کے ضلع کپواڑہ میں انتظامیہ نے کئی پہاڑی علاقوں میں تمام سکول۱۷مارچ۲۰۲۵تک بند رکھنے کا فیصلہ کیا ہے ۔
ضلع مجسٹریٹ کپواڑہ کے’ایکس‘ہینڈل پر ہفتے کو ایک پوسٹ میں کہا گیا’’مسلسل بارشوں اور برفباری کے پیش نظر ضلع انتظامیہ کپواڑہ نے مژھل، کیرن، بڈنبل، کمکڈی، جماگنڈ اور کرناہ کے بالائی علاقے کے تمام اسکولوں کو۱۷مارچ۲۰۲۵تک بند کرنے کا فیصلہ کیا ہے ‘‘۔
واضح رہے کہ گذشتہ کچھ دنوں نے وادی کشمیر کے بالائی علاقوں میں رک رک کر بارشیں جبکہ میدانی علاقوں میں وقفے وقفے سے بارشوں کا سلسلہ جاری ہے ۔
محکمہ موسمیات کے مطابق وادی میں برف و باراں کا یہ سلسلہ ۱۶مارچ تک جاری رہنے کا امکان ہے جبکہ۱۷مارچ سے موسم میں بہتری متوقع ہے ۔