فوج کی شمالی کمان کے سربراہ کا سیکورٹی منظر نامے کا جائزہ

جموں//
فوج کی شمالی کمان کے کمانڈر لیفٹیننٹ جنرل سوچندرا کمار نے گارڈ ڈویژن میں مجموعی سیکورٹی صورتحال کا جائزہ لیا۔
فوج کی شمالی کمان نے ’ایکس‘پر ایک پوسٹ کے ذریعے جانکاری فراہم کرتے ہوئے کہا’شمالی کمان کے کمانڈر لیفٹیننٹ جنرل ایم وی سوچندرا کمار نے سیکورٹی منظر نامے کا جائزہ لیا‘۔
فوج نے کہا کہ اس دوران فوجی کمانڈر نے جوانوں کی لگن کی سراہنا کی اور مستقبل کے چیلنجوں کیلئے پیشہ ورانہ مہارت کو بر قرار رکھنے پر زور دیا۔
اس موقع پر موصوف جنرل نے فوجی اہلکاروں کے حوصلہ افزائی کرتے ہوئے انہیں اسی جوش و جذبے سے کام کرنے کی تلقین کی۔انہوں نے فوجی اہلکاروں کے پیشہ ورانہ مظاہرئے کیلئے ان کی حوصلہ افزائی کی اور انہیں مستقبل میں بھی اپنے فرائض پیشہ ورانہ طریقے سے انجام دینے کے لئے کہا۔
فوجی کمانڈر کو سینئر آفیسران نے ایل او سی کی صورتحال کے بارے میں بریفنگ دی۔