بڈگام کے واگورہ میں آتشزدگی، 4 رہائشی مکان خاکستر

سرینگر//
وسطی کشمیر کے ضلع بڈگام کے واگورہ علاقے میں دوران شب آگ کی ایک ہولناک واردات میں۴رہائشی مکان خاکستر ہوگئے ۔
محکمہ فائر اینڈ ایمرجنسی سروس کے ایک عہدیدار نے بتایا کہ بڈگام کے واگورہ علاقے کے گنائی محلے میں اتوار اور پیر کی درمیانی شب ایک مکان سے آگ نمودار ہوئی جس کے شعلوں نے متصل واقع مکانوں کو اپنی لپیٹ میں لے لیا۔انہوں نے کہا کہ آگ کی اس واردات میں ایک دو منزلہ مکان اور تین یک منزلہ مکان خاکستر ہوگئے ۔
ان کا کہنا ہے کہ مختلف فائر اسٹیشنوں نے کئی فائر ٹنڈرس کو جائے موقع پر بھیج دیا گیا جنہوں نے آگ کو قابو میں کر لیا۔
حکام کا کہنا ہے کہ آگ لگنے کی وجوہات معلوم کی جا رہی ہیں تاہم کسی جانی نقصان کی کوئی اطلاع نہیں ہے ۔