افرادی قوت کے ذریعہ تسلط قائم کرنے کی کوششیں پریشان کن ہیں: دھنکھر

نئی دہلی// نائب صدر جگدیپ دھنکھر نے ہفتہ کو کہا کہ آبادی کی طاقت کے ذریعے دوسروں پر تسلط اور بالادستی قائم کرنے کا مقصد تشویشناک ہے اور دھوکہ دہی کے ذریعہ تبدیلی انسانی استحصال کی بدترین شکل ہے ۔
مسٹر دھنکھر نے آج نائب صدر کی رہائش گاہ پر صنعت کار اور ہندوجا گروپ کے سربراہ گوپی چند پی ہندوجا کی کتاب "آئی ایم؟” کے اجرا کی تقریب سے خطاب کرتے ہوئے انہوں نے کہا کہ قوم کو اس وقت ایسی قوتوں کا سامنا ہے ۔ وہ ذات پات، طبقے ، مذہب، رنگ، ثقافت اور خوراک کی مصنوعی تقسیم کو خطرناک انداز میں فروغ دینے کی کوشش کر رہے ہیں۔ انہوں نے کہا کہ انسانی رویے کے تمام پہلوؤں میں برداشت کا مطلب دوسروں پر فتح حاصل کرنا نہیں ہے ۔
انہوں نے کہا کہ محاذ آرائی کو مذاکرات میں، بدامنی کو بحث میں اور تنازع کو اتفاق رائے میں بدلنا چاہیے ۔
ڈیموگرافی میں غیر فطری اور مصنوعی تبدیلیوں پر تشویش کا اظہار کرتے ہوئے نائب صدر جمہوریہ نے کہاکہ "اگر مقصد دوسروں پر غلبہ حاصل کرنا، ترجیح حاصل کرنا، آبادی کی طاقت سے دوسروں پر تسلط قائم کرنا ہے ، تو یہ تشویشناک بات ہے ۔”
انہوں نے کہا کہ مذہب پر یقین رضاکارانہ ہے ۔ یہ خود شعور کی دعوت ہونی چاہئے ۔ دھوکہ دہی کے ذریعے جو اعتماد پیدا ہوتا ہے وہ انسانی استحصال کی بدترین ترین شکل ہے ۔