سول انتظامیہ میں تبادلوں اورتقرریوں کے احکامات

سرینگر//
جموں کشمیر حکومت نے جنرل ایڈمنسٹریشن ڈپارٹمنٹ میں تین آئی اے ایس اور ایک کے اے ایس افسران کے تبادلے اور تعیناتی کا حکم دیا ہے۔
جنرل ایڈمنسٹریشن ڈپارٹمنٹ (جی اے ڈی) کی طرف سے جاری ایک حکم کے مطابق، یہ حکم دیا جاتا ہے کہ شانت مانو، آئی اے ایس (اے جی ایم یو ٹی۱۹۹۱) فنانشل کمشنر (ایڈیشنل چیف سکریٹری) محکمہ ہائر ایجوکیشن (انفارمیشن ٹیکنالوجی ڈپارٹمنٹ کے انتظامی سکریٹری کے عہدے کا اضافی چارج) اپنی ذمہ داریوں کے علاوہ اسکول ایجوکیشن ڈپارٹمنٹ کے انتظامی سکریٹری کے عہدے کا چارج سنبھالیں گے۔
سریش کمار گپتا، آئی ایف ایس (اے جی ایم یو ٹی۱۹۹۱)، حکومت کے پرنسپل سکریٹری، محکمہ ثقافت کو اس عہدے کا اضافی چارج دیا گیا ہے۔
اس میں کہا گیا ہے کہ حکومت، سائنس اور ٹکنالوجی محکمہ کے کمشنر / سکریٹری سوربھ بھگت اپنے فرائض کے علاوہ انفارمیشن ٹکنالوجی محکمہ کے انتظامی سکریٹری کے عہدے کا چارج سنبھالیں گے اور آئی اے ایس شانت مانو کو عہدے کے اضافی چارج سے فارغ کریں گے۔
اس میں کہا گیا ہے کہ کے رمیش کمار، آئی ایف ایس (اے جی ایم یو ٹی۲۰۰۰)، سی سی ایف سیٹلمنٹ اینڈ حد بندی، جموں و کشمیر کا تبادلہ کیا گیا ہے اور انہیں حکومت، محکمہ ثقافت کے کمشنر / سکریٹری کے طور پر تعینات کیا گیا ہے۔
جی اے ڈی کی جانب سے جاری ایک علیحدہ حکم نامے میں ایڈیشنل ڈپٹی کمشنر اننت ناگ علیاز احمد نائسرو اپنی ذمہ داریوں کے علاوہ چیف ایگزیکٹو آفیسر ٹورازم ڈیولپمنٹ اتھارٹی پہلگام کے عہدے کا چارج بھی اگلے احکامات تک سنبھالیں گے۔