بمنہ علاقے میں۳جواری گرفتار، دوائو پر لگی رقم ضبط:پولیس

سرینگر//
پولیس نے سرینگر کے بمنہ علاقے میں۳جواریوں کو گرفتار کرکے ان کے تحویل سے دائو پر لگی رقم کو ضبط کیا۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ بمنہ میں مخصوص مقام پر جوئے کی سرگرمیوں کے حوالے سے مصدقہ اطلاع پر کارروائی کرتے ہوئے پولیس اسٹیشن بمنہ کی ایک پارٹی نے اس مقام پر چھاپہ مار کر ۳جواریوں کو گرفتار کر لیا۔
ترجمان گرفتار شدگان کی شناخت عبید احمد میر ولد عبد الرزاق میر، عامر حمید شودا ولد عبد الحمید شودا اور عادل احمد گاشرو ولد بشیر احمد گاشرو ساکنان آرم پورہ قمر واری کے طور پرکی۔
بیان میں کہا گیا کہ ان کے قبضے سے۱۱ہزار۴ سو۶۰روپیوں کی داؤ پر لگی رقم، تاش اور۳موبائل فون برآمد ہوئے ہیں۔
ترجمان نے بتایا کہ اس ضمن میں پولیس اسٹیشن بمنہ میں متعلقہ دفعات کے تحت ایک مقدمہ درج کیا گیا اور مزید تحقیقات شروع کی گئی۔