بارہ مولہ میں چار منشیات فروش گرفتار‘نشیلی اشیاء بر آمد :پولیس

سرینگر//
شمالی ضلع بارہمولہ میں پولیس نے چار منشیات فروشوں کو دھر دبوچ کر ان کے قبضے سے ممنوع نشیلی اشیاء برآمد کرکے ضبط کی ہے ۔
پولیس کے ایک ترجمان نے بتایا کہ کنزر پولیس نے ناکہ چیکنگ کے دوران دو افراد جن کی شناخت جہانگیر احمد راتھر ولد بشیر احمد ساکن کارہامہ اور راہل رحمان گنائی ولد عبدالرحمن گنائی ساکن رتھ پورہ پائین کو روک کر ان کی جامہ تلاشی لی جس دوران ان کے قبضے سے۴۰گرام چرس جیسی نشیلی اشیاء برآمد ہوئی۔
پٹن پولیس نے زانگام کراسنگ کے نزدیک منشیات فروش جاوید احمد راتھر ساکن رمبیل گڑھ میر گنڈ سری نگر کے قبضے سے۱۸۸گرام نشیلی اشیائبرآمد کی ۔ مذکورہ منشیات فروش کو موقع پر ہی گرفتار کیا گیا ۔
کملاکوٹ پولیس نے سرائے بانڈے کے نزدیک ناکہ چیکنگ کے دوران اقبال حسین ولد غلام شاہ ساکن سرائے بانڈے کی گرفتاری عمل میں لا کر اس کے قبضے سے۷ء۳کلو گرام بھنگ برآمد کی ہے ۔
ترجمان کے مطابق منشیات کے خلاف پولیس کی جنگ جاری رہے گی ۔