سجاد شفیع اوڑی نے سب سے زیادہ ۴۰ہزار ووٹ حاصل کئے

سرینگر//
کشمیرصوبے میں نیشنل کانفرنس کے سینئر لیڈر اور ممبر اسمبلی اوڑی سجاد شفیع نے اسمبلی انتخابات میں سب سے زیادہ ۳۹ہزار۷۱۳ووٹ حاصل کرکے نیا ریکارڈ قائم کیا ہے ۔
اطلاعات کے مطابق سجاد اوڑی نے حالیہ اسمبلی انتخابات میں۳۹ہزار۷۱۳ووٹ حاصل کئے ، سکینہ ایتو نے ۳۶ہزار ۶۲۳؍اور عمر عبداللہ نے۳۶ہزار دس ووٹ حاصل کرکے تیسرے نمبر پر رہے ۔
الیکشن کمیشن آف انڈیا کی آفیشل وئب سائٹ پر دستیاب اعداد وشمار کے مطابق اسمبلی انتخابات کے دوران سجاد اوڑی نے۳۵پولنگ مراکز میں زائد از۸۰فیصد ووٹ لئے ۔
یہ پہلا موقع ہے جب کسی امیدوار نے اوڑی میں چالیس ہزار کے قریب ووٹ حاصل کرکے کامیابی حاصل کی۔
ذرائع کے مطابق تاج محی الدین کو اپنی پارٹی ، بی جے پی ، پہاڑی فورم، راجا اعجا ز علی خان اور پیپلز کانفرنس کی حمایت حاصل تھی لیکن اس کے باوجود بھی سجاد اوڑی نے ووٹوں کے ایک بڑے مارجن سے تاج محی الدین کو ہرایا۔
سجاد شفیع بارہ مولہ میں نیشنل کانفرنس کے ضلع صدر کے طورپر بھی اپنی خدمات انجام دے رہے ہیں اور ان کی قیادت میں پارٹی نے ضلع کی تمام سات نشستوں پر کامیابی حاصل کی۔