محکمہ اطلاعات کے سینئر عہدیدار بلال کول کا انتقال

سرینگر//
جوائنٹ ڈائریکٹوریٹ آف انفارمیشن (جے ڈی آئی) کشمیر نے اپنے ایک سینئر عہدیدار‘ بلال احمد کول کے انتقال پر سوگ کا اظہار کیا جو آج صبح مختصر علالت کے بعد انتقال کر گئے۔
مرحوم کو ان کے آبائی قبرستان میں سپرد خاک کیا گیا، جہاں ان کے سینکڑوں ساتھیوں، خیر خواہوں نے نماز جنازہ میں شرکت کی اور انہیں آنسوؤں سے رخصت کیا۔
جوائنٹ ڈائریکٹر انفارمیشن کشمیر محمد اسلم کے ہمراہ ڈپٹی ڈائریکٹر انفارمیشن (پی آر) کشمیر ڈاکٹر احسن الحق چشتی اور محکمہ کے دیگر افسران نے مرحوم کی نماز جنازہ میں شرکت کی اور بعد ازاں مرحوم کے ساتھی کے گھر جا کر گہرے دکھ کا اظہار کیا۔
بلال احمد نے اپنی لگن، دیانتداری اور پیشہ ورانہ مہارت سے اپنے ساتھیوں کے ساتھ ساتھ محکمے کے افسران میں بھی گہری عزت اور توقیر حاصل کی۔ مرحوم کے ساتھیوں نے اس کی آخری رسومات میں شرکت کرکے انہیں سسکیوں کے ساتھ رخصت کیا۔
مرحوم کی رسم چہارم ۱۰؍ اکتوبر بروز جمعرات صبح ۱۰ بجے ان کے آبائی قبرستان ریاضت ٹینگ خانیار میں انجام دی جائیگی۔