کھڑگے ، راہل، اور پرینکا نے مہاتما گاندھی اور لال بہادر شاستری کو خراج عقیدت پیش کیا

نئی دہلی// کانگریس صدر ملک ارجن کھڑگے ، سابق صدر راہل گاندھی اور پارٹی جنرل سکریٹری پرینکا گاندھی نے بابائے قوم مہاتما گاندھی اور سابق وزیر اعظم لال بہادر شاستری کو آج ان کے یوم پیدائش پر خراج عقیدت پیش کیا۔
مسٹر راہل گاندھی دیگر پارٹی رہنماؤں کے ساتھ صبح مہاتما گاندھی کی سمادھی راج گھاٹ گئے اور ان کی سمادھی پر پھول چڑھا کر انہیں جذباتی خراج عقیدت پیش کیا۔
مسٹر کھڑگے نے کہا، "سچائی، عدم تشدد اور ستیہ گرہ جیسی اعلیٰ اقدار کے ذریعے پوری دنیا کو امن کا راستہ دکھانے والے اور ہندوستان معمار بابائے قوم مہاتما گاندھی کے افکار اور نظریات ہمیشہ ہمارے لیے حوصلہ افزائی کرتے رہیں گے ، آج ان کے نظریات کے لیے چیلنج ہے کہ ہم بابائے قوم کے اصولوں پر عمل کرتے ہوئے اس سے لڑ رہے ہیں۔
مسٹر راہل گاندھی نے کہا، "بابائے قوم نے مجھے سکھایا ہے کہ اگر ہم جینا چاہتے ہیں تو ہمیں بغیر کسی خوف کے جینا ہے – ہمیں سچائی، محبت، ہمدردی اور ہم آہنگی کے راستے پر چلنا ہے ، سب کو جوڑنا ہے ۔ گاندھی جی محض ایک شخص نہیں ہیں، بلکہ وہ جینے اور سوچنے کا طریقہ ہیں۔ بابائے قوم مہاتما گاندھی کو ان کے یوم پیدائش پر لاکھوں سلام۔