کشمیر میں الیکشن کیا ہو رہے ہیں کہ ایک کے بعد ایک راز سے پردہ بھی اٹھ رہا ہے اور… اور سو فیصد اٹھ رہا ہے… پردہ اٹھانے والے وہیں لوگ ہیں جن کے زاروں پر اب تک پردہ تھا… اب کی بار الیکشن صرف تین مراحل میں ہو رہا ہے‘ اگر ماضی کی طرح چھ سات مراحل کا ہوتا تو… تو ہمیں یقین ہے کہ بہت سارے پردوں پر راز اٹھ جاتا … پھر بھی ہمیں یقین ہے کہ جس تیز رفتاری سے رازوں پر سے پردے اٹھ رہے ہیں… ایک ایک کر کے سبھی سیاسی جماتیں ننگی ہوں گی‘ برہنہ ہوں گی … بخاری … الطاف بخاری کاکہنا ہے کہ جب وہ پی ڈی پی میں تھے …تو ان کی جماعت بی جے پی کو پیسے دیتی تھی… جی ہاں پی ڈی پی جیسی چھوٹی اورغریب جماعت ‘ بی جے پی جیسی بڑے امیر ترین جماعت کی مقامی لیڈر شپ کو پیسے دیتی تھی… اور اس لئے پیسے دیتی تھی تاکہ … تاکہ بی جے پی جموں میں مفتی سعید اور محبوبہ مفتی کیخلاف جلوس نکالے ‘ ان کے پتلے نذر آتش کرے… اور اس لئے کرے تاکہ کشمیر میں لوگوں کو یہ تاثر ملے کہ بی جے پی مفتی خاندان کی حقیقی دشمن جبکہ حقیقت یہ تھی کہ دونوں جماعتوں… پی ڈی پی اور بی جے پی میں یارانہ تھا ۔دوسرے الفاظ میں بخاری صاحب یہ کہنا چاہتے ہیں یا کہ کہنے کی کوشش کررہے ہیں کہ پی ڈی پی کشمیریوں کو بے وقوف بنا رہی تھی یا بنانے کی کوشش کررہی تھی… یا آپ یہ بھی کہہ سکتے ہیں کہ پی ڈی پی کشمیریوں کو احمق سمجھ کر انہیں بے وقوف بنانے کی کوشش کررہی تھی ۔یہ راز … اُس راز سے بھی زیادہ تکلیف دہ ہے جس سے حالیہ دنوں میں عمرعبداللہ کے سابق دست راس دیوندر رانا نے پردہ اٹھا یا… یہ کہہ کر اٹھا یا کہ ۲۰۱۴ میں عمر عبداللہ دہلی میں بی جے پی سے حکومت بنانے کی کوششیں کررہے تھے … کوششیں ہی نہیں کررہے تھے بلکہ بی جے پی سے منتیں کررہے تھے کہ …کہ خدا را نیشنل کانفرنس کانفرنس کے ساتھ حکومت بنائیے … اور یہ وہیں عمرعبداللہ ہیں جو پی ڈی پی کو آج بھی طعنہ دے رہے ہیں… بار بار دے رہے ہیں… بی جے پی کو اپنے کندھوں پر کشمیر لانے کا طعنہ دے رہے ہیں… بی جے پی کو کشمیر لا کر موجودہ مسائل کا ذمہ دار قرار دے رہے ہیں۔آہ!الیکشن ابھی جاری ہیں ‘ اب ان کے مکمل ہونے میں ہفتہ بھر ہے اور… اور ہمیںامید سے زیادہ یقین ہے کہ مزید رازوں پر پرہ اٹھے گا… مزید کچھ چہرے برہنہ ہوں گے ۔ہے نا؟
