سٹیٹ ہڈ کی بحالی کی مانگ کو لے کر جموں میں احتجاج

جموں//
جموںکشمیر کی سرمائی راجدھانی جموں میں جمعے کے روز یوا رجپوت کے بینر تلے لوگوں کی ایک بڑی تعداد نے پر امن احتجاج جلوس نکالا۔مظاہرین نے مرکزی سرکار سے اپیل کی کہ جلد ازجلد سٹیٹ ہڈ کی بحالی کا فیصلہ لیا جائے ۔
اطلاعات کے مطابق جمعے کے روز جموں میں لوگوں کی ایک بڑی تعداد نے احتجاجی جلوس نکالا۔
یوا رجپوت کے بینر تلے نکالے گئے اس جلوس کے شرکاء سرکار کے خلاف نعرے لگا رہے تھے ۔
نامہ نگار وں سے بات چیت کے دوران یوا رجپوٹ کے سینئر لیڈروں نے بتایا کہ انتخابات کا اعلان ہو گیا اب سٹیٹ ہڈ کی بحالی کا بھی فیصلہ لیا جانا چاہئے ۔انہوں نے کہاکہ مرکزی سرکار کہتی ہے کہ جموں وکشمیر میں حالات معمول پر ہیں تو ریاستی درجے کی بحالی کو لے کر تذبذب کیوں ؟ان کے مطابق جموں کے نوجوانوں نے فیصلہ کیا ہے کہ اب مرکزی سرکار کو گھٹنے ٹیکنے پر مجبور کیا جائے گا۔انہوں نے مزید بتایا کہ اگر مرکزی سرکار نے جلدازجلد سٹیٹ ہڈ کی بحالی کا فیصلہ نہیں لیا تو جموں وکشمیر میں احتجاج میں شدت لائی جائے گی۔
یوا راجپوٹ کے سربراہ نے کہاکہ مرکزی سرکار کو فوری طورپر ریاست کا درجہ بحال کرنا چاہئے کیونکہ اگر ایسا نہیں کیا گیا تو جموں وکشمیر کے لوگ ایجی ٹیشن شروع کرنے پر مجبور ہو جائیں گے ۔