سابق وزیر عثمان مجید کا ساتھیوں سمیت اپنی پارٹی سے استعفیٰ

بانڈی پورہ//
سابق وزیر اور پارٹی کے نائب صدر عثمان مجید اور بانڈی پورہ یونٹ کے دیگر تمام ارکان نے جموں و کشمیر اپنی پارٹی سے استعفیٰ دے دیا ہے۔
مجید نے کہا کہ میرا بنیادی مقصد ہمیشہ بانڈی پورہ کے عوام کی خدمت کرنا اور ان کی فلاح و بہبود اور ترقی کو یقینی بنانا رہا ہے۔ ’’میرے حامیوں، مقامی کارکنوں اور خیر خواہوں کے ساتھ وسیع مشاورت کے بعد، یہ واضح ہو گیا ہے کہ ان اہداف کو زیادہ مؤثر طریقے سے حاصل کرنے کے لئے ایک نئی سمت کی ضرورت ہے۔ یہ استعفیٰ اس نئی سمت کو تلاش کرنے اور اپنانے کی سمت میں ایک قدم ہے‘‘۔
سابق ممبر اسمبلی نے کہا کہ استعفیٰ دینے کے فیصلے پر احتیاط سے غور کیا گیا ہے اور بانڈی پورہ اکائیوں کے ارکان کے درمیان ایک متحد موقف کی عکاسی کرتا ہے۔
مجید اور تمام کارکنوں نے اپنی پارٹی کے ساتھ اپنے دور حکومت کے دوران ان کے حلقوں کی جانب سے ان پر کی گئی حمایت اور اعتماد پر اظہار تشکر کیا۔
اپنی پارٹی کے سابق لیڈر نے کہا’’ہم اپنے حامیوں اور عوام پر زور دیتے ہیں کہ وہ اس عبوری مدت کے دوران صبر و تحمل سے کام لیں۔ مزید اعلانات مناسب وقت پر کیے جائیں گے ، جس سے نئی سمت اور اقدامات کے بارے میں وضاحت ملے گی‘‘۔