سانبہ سڑک حادثے میں موٹر سائیکل سوار از جان ہوا‘ دوسرا زخمی

جموں//
جموں کشمیر کی سڑکوں پر حادثوں کا نہ تھمنے والا سلسلہ برابر جاری ہے ۔
ذرائع نے بتایا کہ سانبہ ضلع کے لال چک علاقے میں گذشتہ شب ایک سڑک حادثے میں بہار سے تعلق رکھنے والے ایک موٹر سائیکل سوار کی موت واقع ہوئی جبکہ اس کا دوسرا ساتھی شدید زخمی ہوا۔
ذرائع نے کہا کہ لال چک میں منگل کی شام دیر گئے ایک نا معلوم گاڑی نے ایک موٹر سائیکل کو ٹکر مار دی جس کے نتیجے میں اس پر سوار دو افراد شدید زخمی ہوگئے ۔
زخمیوں کو علاج و معالجے کیلئے فوری طور پر نزدیکی ہسپتال پہنچایا گیا جہاں ڈاکٹروں نے ایک کو مردہ قرار دیا۔
متوفی کی شناخت اومیش مکھیا جبکہ زخمی کی شناخت اومیش رام کے طور پر کی گئی ہے دونوں کا تعلق بہار سے ہے ۔ان کا کہنا ہے کہ زخمی کو گورنمنٹ میڈیکل کالج جموں ریفر کیا گیا ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہے ۔