ہربھجن سنگھ رضوان اور دھونی کا موازنہ کیے جانے پر بھڑک اُٹھے

لاہور//سابق بھارتی کرکٹر ہربھجن سنگھ مداح کے مہندرا سنگھ دھونی اور محمد رضوان کے درمیان موازنہ کرنے کے سوال بھڑک اُٹھے۔ سماجی رابطے کی سائٹ ایکس (ٹوئٹر) پر پاکستانی صحافی نے سابق بھارتی کپتان مہندرا سنگھ دھونی اور محمد رضوان کی تصاویر شیئر کرتے ہوئے سوال پوچھا کہ کون زیادہ بہتر ہے؟ جس پر ہربھجن سنگھ بھڑک اُٹھے۔
انہوں نے ٹوئٹ کرنے والے سے سوال کیا آپ آج کل کونسا سگریٹ پی رہے ہو؟، ہربھجن نے دونوں کرکٹرز کے درمیان موازنہ کو احمقانہ قرار دیتے ہوئے لکھا کہ بھائیو، بتاؤ دھونی رضوان سے بہت آگے ہے! رضوان سے پوچھو گے تو وہ بھی بتائے گا۔ یہ سوال ہی غلط ہے، آج بھی عالمی کرکٹ میں دھونی سے بہتر کوئی نہیں۔ اس قبل بھی ہربھجن کی ایک ویڈیو وائرل ہوئی تھی جس میں بابر اعظم اور برائن لارا کے انتخاب سے متعلق سوال پر سابق بھارتی کرکٹر نے تضحیک آمیز رویہ اختیار کیا تھا، جس پر انہیں سوشل میڈیا پلیٹ فارمز پر تنقید کا نشانہ بنایا گیا تھا۔
واضح رہے کہ مہندر سنگھ دھونی نے اپنے ٹیسٹ کیریئر میں 90 میچز میں وکٹوں کے پیچھے 256 کیچ لیے اور 38 اسٹمپنگ کیے، 350 ون ڈے انٹرنیشنلز میں انہوں نے 321 کیچ اور 123 اسٹمپنگ کیے۔ ٹیسٹ میں دھونی نے 38.09 کی اوسط سے 4876 رنز بنائے ہیں جس میں 6 سنچریاں اور 33 نصف سنچریاں شامل ہیں۔ اس کے مقابلے محمد رضوان نے 30 ٹیسٹ میچز میں 78 کیچ لیے اور محض 3 سٹمپ کیے، 74 ون ڈے انٹرنیشنلز میں 76 کیچز تھامے اور 3 اسٹمپ کیے۔ ٹیسٹ کرکٹ میں رضوان نے اب تک 40.4 کی اوسط سے 1616 رنز بنائے ہیں جس میں 2 سنچریاں اور 9 نصف سنچریاں بنائی ہیں۔