حیدرآباد:ٹی 20 T20 ورلڈ چیمپئن ٹیم انڈیا کے تیز گیند باز محمد سراج نے جمعہ کی شام اپنے آبائی شہر حیدرآباد میں فتح پریڈ میں حصہ لیا۔ اس دوران سڑکوں پر لوگوں کی زبردست بھیڑ جمع ہوگئی۔
ٹی20 ورلڈ کپ چیمپئن ٹیم انڈیا نے جمعرات کو ممبئی میں فتح کی پریڈ نکالی۔ اس کے بعد ہندوستانی ٹیم نے وانکھیڑے اسٹیڈیم میں منعقدہ پروقار تقریب میں حصہ لیا۔ اس کے بعد فاسٹ بالر محمد سراج جو کہ ورلڈ چیمپئن ٹیم کا حصہ تھے، نے اعلان کیا تھا کہ وہ اپنے آبائی شہر حیدرآباد پہنچ کر ایک اور فتح کی پریڈ نکالیں گے۔ سراج گزشتہ شام حیدرآباد پہنچے، جہاں ہوائی اڈے پر ان کا پرتپاک استقبال کیا گیا۔ اس کے بعد انہوں نے فتح پریڈ نکالی۔
ہندوستانی فاسٹ بالر محمد سراج کا حیدرآباد ایئرپورٹ پہنچنے پر ہزاروں شائقین نے پرتپاک استقبال کیا۔اس کے بعد سراج ایک اوپن ٹاپ کار میں سوار ہوئے اور ہزاروں شائقین کے ہجوم کے درمیان اپنی فتح کی پریڈ شروع کی۔ سراج کی وکٹری ریلی نے جمعرات کو ممبئی میں منعقدہ ٹیم انڈیا کی جیت کی پریڈ کی یاد تازہ کردی۔ سراج کی اس پریڈ میں سڑکوں پر بھیڑ جمع ہوگئی۔ ہزاروں شائقین نے اپنے ہیرو کی ایک جھلک دیکھنے کے لیے مقابلہ کیا۔شائقین نے اپنے چیمپئن کھلاڑی کے اعزاز میں اس فتح کی ریلی کا اہتمام کیا۔ حیدرآباد میں سراج کے اعزاز میں یہ فتحی ریلی شام 6.30 بجے سروجنی دیوی آئی ہاسپٹل سے شروع ہوئی اور مہدی پٹنم سے ہوتی ہوئی حیدرآباد کے عیدگاہ گراؤنڈ تک گئی۔ اس دوران سڑک کے دونوں اطراف موجود شائقین کی بڑی تعداد نے عالمی چیمپئن کھلاڑی کا استقبال کیا۔ سراج کو مداحوں کے ساتھ لہرا دو گانا بھی گاتے ہوئے دیکھا گیا۔
محمد سراج کے اعزاز میں نکالی گئی فتح کی ریلی کے دوران مداحوں میں سراج کے ساتھ تصاویر اور سیلفیز لینے کا مقابلہ ہوا۔ اس دوران شائقین نے بہت زیادہ آتش بازی کی اور ڈی جے کی دھنوں پر خوب رقص کیا۔غورطلب ہے کہ ٹیم انڈیا نے 29 جون کو ٹی20 ورلڈ کپ 2024 کے فائنل میں جنوبی افریقہ کو شکست دے کر آئی سی سی ٹرافی کی 11 سالہ خشک سالی کا خاتمہ کیا تھا۔
