حوثیوں کے حملوں سے حفاظت کے لیے بحیرہ احمر میں ہندوستانی بحریہ کے 21 جہاز تعینات: جے شنکر

نئی دہلی// وزیر خارجہ ایس جے شنکر نے آج کہا کہ فی الحال بحیرہ احمر کے علاقے میں بین الاقوامی جہاز رانی کو تحفظ فراہم کرنے کے لیے ہندوستانی بحریہ نے 21 جہاز گشت کر رہے ہیں، جو خطے میں حوثیوں کے مسلسل حملوں سے تحفظ فراہم کرنے مامور ہیں۔
وزیر خارجہ جے شنکر نے دہلی یونیورسٹی کے کیروڑی مل کالج میں اپنی کتاب ‘وائی انڈیا میٹرز’ پر گفتگو کے دوران کہا کہ کووڈ-19 کے عالمی بحران دوران ہندوستان نے بہت سے ممالک کو ویکسین فراہم کر کے دنیا کے لیے اہم کردار ادا کیا تھا، اور آج یہ بحیرہ احمر میں اسی طرح مدد کر رہا ہے ۔”
انہوں نے کہا کہ "آج جب بحیرہ احمر میں بحری جہازوں پر میزائل داغے گئے ہیں، ہمارے 21 بحری جہاز وہاں تعینات ہیں جو بین الاقوامی جہاز رانی کی حفاظت کر رہے ہیں۔ اور وہ تجارتی لاگت کو کم رکھتے ہیں، کیونکہ اگر آپ جہاز رانی کی حفاظت کر سکتے ہیں تو آپ انشورنس کی لاگت کو کم رکھ سکتے ہیں”۔
ان کا یہ تبصرہ بحیرہ احمر میں ہندوستان آنے والے خام تیل بردار ٹینکر کو حوثیوں کے میزائل سے نشانہ بنانے کے چند دنوں بعد آیا ہے ۔