کشتی الٹنے کا سانحہ :گیارہ روز بعد ایک لڑکے کی لاش بر آمد

سرینگر//
سرینگر کے علاقے گنڈبل میں۱۱روز قبل دریائے جہلم میں کشتی الٹنے سے ڈوب نے والے ایک کم سن لڑکے کی نعش جمعہ کی سہ پہر راج باغ کے قریب دریا سے نکال لی گئی۔
ایک عہدیدار نے ایک مقامی خبر رساں ادارے کو بتایا کہ فرحان وسیم پرے ولد وسیم پارے ساکن گنڈابل کی لاش سرینگر کے علاقے راج باغ کے قریب اولڈ زیرو پل کے قریب سے برآمد ہوئی ہے۔ لاش کو جے کے پولیس اور ایس ڈی آر ایف کی ٹیموں نے باہر نکالا۔
۱۶؍اپریل کو گنڈبل علاقے کے قریب ایک کشتی الٹنے سے چھ افراد ہلاک اور تین لاپتہ ہوگئے تھے۔
عہدیدار نے بتایا کہ نعش کو میڈیکو لیگل رسمی کارروائی کے لئے ایس ایم ایچ ایس سرینگر منتقل کردیا گیا ہے۔
اس واقعہ میں اب بھی دو افراد لاپتہ ہیں‘ جنہیں تلاش کرنے کیلئے کارروائی جاری ہے ۔