جموں میں دو منشیات فروش گرفتار، لاکھوں روپے مالیت کی ہیروئن بر آمد

جموں//
جموںکشمیر پولیس نے جموں بس اسٹینڈ علاقے سے دو منشیات فروشوں کو گرفتار کرکے ان کی تحویل سے لاکھوں روپے مالیت کی ہیروئن بر آمد کی ہے ۔
ایک پولیس ترجمان نے اپنے ایک بیان میں کہا کہ جموں پولیس نے منشیات کے خلاف جاری ’سنجیوانی‘آپریشن کے تحت بس اسٹینڈ سے دو منشیات فروشوں کی تحویل سے ۱۶۹گرام ہیرائن بر آمد کیا۔
ترجمان نے کہا کہ پولیس اسٹیشن بس اسٹیںڈ جموں کی ایک ٹیم نے انسپکٹر وکاس ڈوگرا کی سربراہی میں بدھ کی شام ٹائون ہال روڈ کے نزدیک ایک ناکے کے دوران دو منشیات فروشوں کو دھر لیا اور ان کی تحویل سے۱۶۹گرام ہیرائن بر آمد کیا۔انہوں نے منشیات فروشوں کی شناخت ماجد چودھری اور محمد وقار ساکنان راجوری کے طور پر کی۔
ترجمان نے کہا کہ پولیس نے اس سلسلے میں متعلقہ دفعات کے تحت ایک کیس درج کرکے مزید تحقیقات شروع کی ہیں۔انہوں نے کہا کہ پولیس خطے سے منشیات کی بیخ کنی کو یقینی بنانے کے لئے سخت کوشاں ہے ۔
پولیس لوگوں سے منشیات فروشوں اور اس کی لت میں پڑنے والوں کے متعلق جانکاری فراہم کرنے کی اپیل کی۔انہوں نے کہا کہ جانکاری فراہم کرنے والوں کی شناخت کو صیغہ راز میں رکھا جائے گا۔