مودی نے منگل سوتر اور ازدواجی وقار کو مجروح کیا: کانگریس

نئی دہلی// کانگریس نے منگل سوتر سے متعلق وزیر اعظم نریندر مودی کے بیان پر آج شدید تنقید کرتے ہوئے کہا کہ انہوں نے نہ صرف منگل سوتر کی اہمیت کو کم کیا ہے بلکہ شادی کے وقار کو بھی مجروح کیا ہے ۔
کانگریس کی ترجمان سپریہ سرینت نے بدھ کو یہاں پارٹی ہیڈکوارٹر میں ایک پریس کانفرنس میں کہا کہ کانگریس کے اقتدار میں آنے کے بعد خواتین کے منگل سوتر کی فروخت کے بارے میں مسٹر مودی نے جو بیان دیا ہے اس میں نہ تو ازدواجی رشتے کے وقار کا احترام کیا گیا ہے اور نہ ہی منگل سوتر کے حقوق کی اہمیت رکھی ہے ۔
ترجمان نے کہا ‘‘مودی جی، آپ کو شاید سندور اور منگل سوتر کی اہمیت کا علم نہ ہو لیکن اس ملک کے لوگ اس کی اہمیت کو بخوبی جانتے ہیں۔ منگل سوتر شادی شدہ زندگی کی ایک مقدس علامت ہے جسے کروڑوں دلہنیں ان کی ساری زندگی پہنتی ہیں اور اس کے ساتھ رہتی ہیں۔ ”
محترمہ سرینیت نے کہا "مودی جی، آپ نے غریبوں کا کوئی بھلا نہیں کیا، کووڈ کے دوران آپ نے غریبوں کو شدید گرمی میں چلنے پر مجبور کیا، کووڈ کے دوران، غریبوں کو دوائیوں اور آکسیجن کے لیے گھر گھر بھٹکنے پر مجبور کیا گیا ہے ۔ غریبوں کو ہوائی جہاز میں سوار ہونے کا جھابسہ دیکر ، آپ نے اجارہ داری قائم کرلی اور نوٹ بندی کرکے غریبوں کو لائن میں کھڑا کر دیا، جس سے کئی لوگوں کی موت ہوگئی ۔
کانگریس کی ترجمان نے کہا "آپ نے غریبوں کا حق چھین لیا، کیا مسٹر مودی اور بی جے پی ذات پر مبنی مردم شماری کے خلاف ہیں یا اس کی حمایت کرتے ہیں؟ اس سوال کا جواب ‘ہاں’ یا ‘نہیں’ میں دینا ہوگا۔ آپ نمائندگی کیوں نہیں دینا چاہتے ؟ اور کیا بی جے پی ذات پر مبنی مردم شماری کے خلاف ہے ؟ اس سوال کا جواب ‘ہاں’ یا ‘نہیں’ میں دینا ہوگا۔ مودی جی آپ نے اپنے اقتدار کے 10 برسوں میں دو ہندوستان بنائے ہیں ایک جہاں سبزی بیچنے والا روتے ہوئے کہتا ہے کہ ‘میری گزر نہیں ہوپارہی ہے ۔ جی ۔20 کے انعقاد کے دوران غریبی چھپانے کے لئے پردہ ڈال دیا جاتا ہے ۔ دوسرا ہندوستان جہاں چکا چوندھ ہے جو مودی پر فدا ہے اور مودی کی تعریف کرتا ہے ۔
محترمہ سرینیت نے کہا "مودی جی کو کانگریس کے منشور سے بڑی پریشانی ہے ، لیکن میں آپ کا شکریہ ادا کرنا چاہوں گی، کیونکہ آپ کے جھوٹ اور پروپیگنڈے نے کانگریس کے منشور کو ہر گھر تک پہنچا دیا ہے ۔ مسٹر مودی کو اس سے پریشان نہیں ہونا چاہئے ۔ ہمارے منشور میں ذات پر مبنی مردم شماری کی بات ہے ، آج میں نریندر مودی جی سے پوچھنا چاہتی ہوں کہ غریبوں کی بھلائی کا کیا مسئلہ ہے ؟
کانگریس لیڈر نے کہا کہ جب انتخابات کا وقت آیا تو ہم نے سوچا کہ بڑے ایشوز پر بات ہوگی، خوفناک بے روزگاری اور مہنگائی پر بات ہوگی، لیکن سارے ایشوز ٹھپ رہے ، اس ملک کے وزیر اعظم نے وہی اسکرپٹ اٹھایا، جسے وہ 2002 سے پڑھ رہے ہیں – پولرائزیشن۔” تقسیم، خوف اور شک کا اسکرپٹ۔ اس ملک کے وزیر اعظم کو اپنی حکومت اور پارٹی پر اتنا اعتماد نہیں ہے کہ وہ مسائل پر بات کرکے الیکشن لڑ سکیں۔