ای ڈی کی عدالت میں۹ملزموں کے خلاف استغاثہ کی شکایت درج

سرینگر//
انفورسمنٹ ڈائریکٹوریٹ (ای ڈی) نے پی ایم ایل اے۲۰۰۲کی دفعات کے تحت سری نگر کی ایک خصوصی عدالت میں۹ملزموں کے خلاف استغاثہ کی شکایت درج کی ہے ۔
ای ڈی نے جمعہ کے روز ’ایکس‘ پر ایک پوسٹ میں کہا’’ای ڈی نے پی ایم ایل اے۲۰۰۲کے دفعات کے تحت سری نگر کی ایک خصوصی عدالت میں۴؍اپریل۲۰۲۴کو نو ملزموں کے خلاف استغاثہ کی شکایت درج کی ہے‘‘۔
جن کے خلاف شکایت درج کی گئی ہے پوسٹ میں ان کی شناخت محمد اکبر بٹ، فاطمہ شاہ، الطاف احمد بٹ، قاضی یاسر، محمد عبداللہ شاہ، سبزار احمد شیخ، منظور احمد شاہ، محمد اقبال میر اور سید خالد گیلانی عرف خالد اندرابی کے طور پر کی گئی ہے ۔
پوسٹ میں کہا گیا کہ خصوصی عدالت نے استغاثہ کی اس شکایت کا ۱۹؍اپریل۲۰۲۴کو نوٹس لیا۔