شہد کی مکھیاں پالنے والے کشمیری کاروباری سے مودی کی سیلفی

سرینگر//
وزیر اعظم نریندر مودی نے جمعرات کو سرینگر میں عوامی ریلی کے دوران وادی کشمیر سے تعلق رکھنے والے ایک کاروباری شخص کے ساتھ سیلفی لی۔
در اصل جنوبی کشمیر کے ضلع پلوامہ کے ناظم نامی ایک شہد کی مکھیاں پالنے والے ایک کاروباری نے بخشی اسٹیڈیم میں عوامی ریلی کے دوران وزیر اعظم سے سیلفی لینے کی درخواست کی۔
وزیر اعظم نے ’ایکس‘پر اپنے ایک پوسٹ میں یہ تصویر پوسٹ کرکے کہا’’میرے دوست ناظم کے ساتھ ایک یاد گار سیلفی‘‘۔انہوں نے پوسٹ میں کہا’’میں اس کے اچھے کام سے متاثر ہوا، عوامی ریلی کے دوران اس نے سیلفی لینے کی درخواست کی اور مجھے ان سے مل کر خوشی ہوئی‘‘۔
وزیر اعظم نے ان کے بہتر مستقبل کیلئے نیک خواہشات کا اظہار کیا۔
قبل ازیں ناظم نے بخشی اسٹیڈیم میں وزیر اعظم کے سامنے شہد کی مکھیاں پالنے کے اس کے کاروبار کے بارے میں وضاحت کی۔
وزیر اعظم نے ان کی کاوشوں کی سراہنا کی۔ناظم نے تعلیم مکمل کرنے کے بعد سرکاری نوکری کا انتظار کرنے کے بجائے بی کیپنگ کے اپنے بچپن کے شوق کو پورا کیا۔