پلوامہ میں مقامی لوگوں نے تیندوے کے بچے کو زندہ پکڑا

سرینگر//
ضلع پلوامہ کے دور دراز علاقہ فریس پورہ کے رہائشیوں نے آج ایک جنگلی تیندوے کے بچے کو علاقہ میں زندہ پکڑ لیا ہے۔بتایا جارہا ہے تیندوے کا بچہ اپنے مسکن سے بھٹک گیا ہے۔
عینی شاہدین کے مطابق گاؤں کے لوگ نے جونہی تیندوے کے بچے کو علاقہ میں دیکھا تو انہوں نے احتیاط سے بچے کو پکڑ لیا ہے۔ اس کے بعد مقامی لوگوں نے وائلڈ لائف محکمہ سے رابطہ کیا۔
محکمہ وائلڈ لائف کے اہلکاروں نے مقامی لوگوں کو بچے کو محفوظ مقام منتقل کرنے کی اپیل کی، تاکہ اس دوران کوئی نا خوشگوار واقعہ پیش نہ آئے۔وہیں محکمہ وائلڈ لائف کے اہلکاروں نے تیندوے کے بچے کو قریبی جنگلی حیات کی بحالی کے مرکز میں پہنچایا، جہاں اسے ایک محفوظ علاقے میں چھوڑا گیا ہے۔
وہیں مقامی لوگوں نے محکمہ وائلڈ لائف سے علاقہ میں جنگلی جانوروں کو پکڑنے کے لیے اقدامات اٹھانے کی اپیل کی، تاکہ علاقہ میں کوئی ناخوشگوار واقعہ پیش نہ آئے۔
واضح رہے کہ موسم سرما کے دوران وادی کشمیر کے مختلف مقامات پر جنگلی جانور انسانی بستیوں کا رخ کرتے ہے۔ اس دوران کئی علاقوں میں جنگلی جانوروں کے حملہ میں انسانی جانوں کا زیاں ہوتا ہے، وہیں کئی مرتبہ جنگلی جانوروں کے حملے میں لوگ شدید طور پر زخمی ہوتے ہے۔