ڈوڈہ میں زلزلے کے جھٹکے ، کوئی نقصان نہیں

سرینگر//
جموںکشمیر کے ضلع ڈوڈہ میں پیر کی رات قریب ساڑھے نو بجے زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
ریکٹر اسکیل پر اس زلزلے کی شدت۳ء۳ریکارڈ ہوئی ہے جبکہ اس کی زیر زمین گہرائی۱۰کلو میٹر تھی۔
نیشنل سینٹر فار سیسمالوجی کے مطابق ڈوڈہ میں پیر کی رات۹بجکر۲۸منٹ پر زلزلے کے جھٹکے محسوس کئے گئے ۔سینٹر کے مطابق ریکٹر اسکیل پر اس زلزلے کی شدت۳ء۳ریکارڈ ہوئی ہے جبکہ اس کی زیر زمین گہرائی۱۰کلو میٹر تھی۔تاہم زلزلے سے کسی قسم کے کسی جانی یا مالی نقصان کی کوئی اطلاع نہیں ہے ۔
بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔