نوہٹہ میں بھیانک آتشزدگی .رہائشی مکان اور دکان خاکستر

سرینگر//
جموںکشمیرکے گرمائی دارلخلافہ سرینگر کے جامع مسجد نوہٹہ علاقے میں آگ کی ایک واردات میں رہائشی مکان اور دکان کو نقصان پہنچا ہے ۔
اطلاعات کے مطابق منگل کی صبح جامع مسجد نوہٹہ میں رہائشی مکان سے آگ نمودار ہوئی جس نے آناً فاناً دکان کو بھی لپیٹ میں لے لیا۔
معلوم ہواہے کہ مقامی لوگوں اور فائر اینڈ ایمرجنسی عملے کی بروقت کارروائی کے نتیجے میں گر چہ آگ پر قابو پایا گیا تاہم آتشزدگی کی اس واردات میں رہائشی مکان اور دکان خاکستر ہوا ہے ۔
حکام نے بتایا کہ آگ کی اس واردات میں لاکھوں روپے مالیت کی اشیائراکھ کے ڈھیر میں تبدیل ہوئی ۔
دریں اثنا پولیس نے آگ لگنے کی وجوہات جاننے کی خاطر کیس درج کرکے تحقیقات شروع کی ہے ۔