راجیہ سبھا کی۵۷ نشستوں کا انتخاب ۱۰ جون کو کرانے کا اعلان

نئی دہلی//
ہندوستان کے الیکشن کمیشن نے جمعرات کو اعلان کیا کہ۱۵ ریاستوں میں پھیلی راجیہ سبھا کی۵۷نشستوں کیلئے ۱۰جون کو انتخابات ہوں گے۔
پارلیمنٹ کے ایوان بالا کی نشستوں کا سب سے بڑا حصہ اتر پردیش سے آتا ہے جہاں۱۱ نشستوں پر انتخابات ہوں گے۔ اتر پردیش کی۱۱ سیٹوں میں سے، حکمراں بی جے پی جو ریاست کے ساتھ ساتھ مرکز میں بھی اقتدار میں ہے، کو سات سیٹیں ملنے کا امکان ہے اور سماج وادی پارٹی باقی چار سیٹوں پر دعویٰ کر سکتی ہے۔
ستیش چندر مشرا کی ریٹائرمنٹ کے بعد بہوجن سماج پارٹی (بی ایس پی) کے پاس ایوان بالا میں صرف ایک رکن اسمبلی رہ جائے گا۔
ان ارکان میں جو ریٹائر ہو رہے ہیں لیکن راجیہ سبھا میں واپس آئیں گے‘میں مرکزی وزیر نرملا سیتارامن، جو کرناٹک سے منتخب ہوئی تھیں، مختار عباس نقوی جھارکھنڈ سے اور راجیہ سبھا میں قائد ایوان پیوش گوئل مہاراشٹر سے شامل ہیں۔
ایک اور ریٹائر ہونے والے رکن وائی ایس آر سی پی پارلیمانی لیڈر وجے سائی ریڈی یقینی طور پر آندھرا پردیش سے دوبارہ منتخب ہوں گے۔ آندھرا پردیش سے راجیہ سبھا کے دو ارکان سابق مرکزی وزیر وائی ایس چودھری اور ٹی جی وینکٹیش، جنہوں نے تیلگو دیشم پارٹی چھوڑ کر بی جے پی میں شمولیت اختیار کی، وہ بھی ۲۱ جون کو ریٹائر ہو رہے ہیں۔ آندھرا پردیش سے جو چار سیٹیں خالی ہو رہی ہیں‘وائی ایس آر سی پی کو جانے کا امکان ہے۔
مہاراشٹر کے چھ ارکان ، سابق مرکزی وزیر پی چدمبرم، پرفل پٹیل اور شیو سینا کے پارلیمانی لیڈر سنجے راوت بھی ۴ جولائی کو ریٹائر ہو جائیں گے۔ چھ نشستوں میں سے، مہا وکاس اگھاڑی (ایم وی اے) کو چار سیٹیں ملنے کا امکان ہے۔ چار سیٹوں میں سے دو شیو سینا کو اور ایک ایک کانگریس اور نیشنلسٹ کانگریس پارٹی (این سی پی) کو دی جائے گی۔
کانگریس پارٹی کے چیف وہپ‘ جے رام رمیش کرناٹک سے رکن پارلیمنٹ تھے، دوبارہ نامزدگی کی تلاش میں ہوں گے۔
اس سال اپریل اور اگست کے درمیان ایوان بالا سے ۷۷؍ ارکان پارلیمنٹ ریٹائر ہو جائیں گے۔ حالیہ راجیہ سبھا انتخابات میں بی جے پی آسام میں دو میں سے دو اور تریپورہ میں ایک سیٹ جیتنے میں کامیاب رہی۔
ہندوستان کی تاریخ میں پہلی بار بی جے پی شمال مشرقی ریاست ناگالینڈ سے راجیہ سبھا کا رکن حاصل کرنے میں کامیاب ہوئی۔ اس سے پہلے، پنجاب سے خالی ہونے والی پانچ سیٹیں عام آدمی پارٹی (اے اے پی) نے ریاستی اسمبلی انتخابات میں زبردست جیت کے بعد حاصل کی تھیں۔
ہندوستان کے صدر کے ذریعہ نامزد کردہ پارلیمنٹ کے سات ممبران بشمول ڈاکٹر سبرامنیم سوامی، باکسر سے سیاست دان بنی ایم سی میری کوم اور اداکار سے سیاستدان بنی روپا گنگولی اور سریش گوپی بھی ریٹائر ہو رہے ہیں۔
راجیہ سبھا کی ۲۴۵ سیٹوں میں سے بی جے پی ۹۵ممبران کے ساتھ سب سے بڑی پارٹی ہے، اس کے بعد کانگریس ۲۹سیٹوں کے ساتھ دوسرے نمبر پر ہے۔