این آئی اے کورٹ نے چاردہشت گردوں کو اشتہاری مجرم قراردیا

سرینگر//
پلوامہ کی این آئی اے عدالت نے چار سرگرم دہشت گردوں کو اشتہاری مجرم قراردیا ہے ۔
پولیس کے ایک ترجمان نے بتایا کہ این آئی اے کورٹ پلوامہ نے چار سرگرم دہشت گردوں‘ اویس فیروز میر ولد فیروز احمد میر ساکن فرستہ بل پانپور ، گوہر منظور وانی ولد منظور احمد وانی ساکن ہردہ میر ترال ، مبشر احمد ڈار ولد غلام نبی ڈار ساکن سعید آباد ترال اور فیروز احمد گنائی ولد غلام نبی گنائی عرف نبیر گنائی ساکن نور پورہ جو مختلف دہشت گرد سرگرمیوں میں ملوث ہے کے خلاف اعلانیہ حکم جاری کیا۔
مذکورہ سرگرم دہشت گردوں کے خلاف مختلف ایف آئی آر کے تحت مختلف پولیس تھانوں میں کیس درج ہیں۔
ترجمان نے بتایا کہ اعلانیہ حکم جاری کرنے سے قبل معزز عدالت نے پہلے ہی ان دہشت گردوں کے خلاف غیر ضمانتی وارنٹ جاری کی ہے۔انہوں نے مزید کہاکہ متعلقہ پولیس نے ان کے آبائی علاقوں اور اہم جگہوں پر اعلانیہ چسپاں کیا ہے۔
ترجمان کے مطابق مذکورہ دہشت گردوں کے خلاف قانون کے تحت مزید کارروائی شروع کرنے سے پہلے معزز عدالت نے انہیں ۱۰؍اکتوبر ۲۰۲۳تک یا اس سے پہلے عدالت یا تفتیشی ایجنسی یا پولیس اسٹیشن کے سامنے ہتھیار ڈالنے کا موقع دیا ہے۔