سرینگر//
چیف الیکٹورل آفیسر، جموں و کشمیر کی ہدایت کے مطابق یکم جولائی سے سرینگر اور جموں میونسپل کارپوریشنوں کے تمام وارڈوں میں منگل (یکم اگست ۲۰۲۳) سے انتخابی فہرستوں کی خصوصی سمری نظر ثانی کی جا رہی ہے۔
دونوں کارپوریشنز کی مدت نومبر ۲۰۲۳ میں ختم ہونے والی ہے۔ دونوں اداروں کیلئے انتخابات ستمبر‘اکتوبر ۲۰۱۸ میں ہوئے تھے۔
ی ای او، جے اینڈ کے، پانڈورنگ پول کی طرف سے جاری کردہ ایک حکم نامہ میں کہا گیا ہے’’جبکہ، جموںکشمیر میونسپل کارپوریشن (انتخابات) کے قواعد۲۰۰۳کے قاعدہ ۱۲کے مطابق‘انتخابی فہرستوں کو کارپوریشنوں کے ہر عام انتخابات کے انعقاد سے پہلے یا کسی بھی وارڈ کے لیے یا کسی ایک کے لیے مقررہ طریقے سے نظرثانی کرنا ضروری ہے۔اس طرح کے وارڈ میں ایک کیجول اسامی کو پْر کرنے کے لیے انتخاب؛ جبکہ، ان کارپوریشنوں کے لیے میونسپل انتخابی فہرستوں پر نظر ثانی/اپ ڈیٹ کرنے کا فیصلہ کیا گیا ہے جس کے حوالے سے یکم جولائی ۲۰۲۳کو کوالیفائنگ کی تاریخ ہے‘‘۔
حکم نامے کے مطابق مسودہ انتخابی فہرستوں کی اشاعت کی تاریخ یکم اگست۲۰۲۳ مقرر کی گئی ہے۔ دعوے اور اعتراضات داخل کرنے کی مدت یکم اگست سے۱۳؍اگست تک ہوگی۔ انتخابی فہرستوں کی حتمی اشاعت۲۵؍ اگست مقرر کی گئی ہے۔