ملک دشمن سرگرمیاں:بانڈی پورہ میں چار افراد پی ایس اے کے تحت گرفتار

سرینگر//
بانڈی پورہ میں پولیس نے ملک مخالف/ سماج دشمن سرگرمیوں میں مسلسل ملوث ہونے کے الزام میں چار افراد کے خلاف پی ایس اے کے تحت مقدمہ درج کیا ہے۔
پولیس کے ترجمان نے کہا کہ یہ کارروائی مجاز اتھارٹی سے باضابطہ حراست کے احکامات حاصل کرنے کے بعد کی گئی۔
گرفتار افراد کی شناخت عبدالحمید خان ولد عبدالغنی خان ساکن وترینا بانڈی پورہ‘دانش احمد شاہ عرف حارث ولد سنا اللہ شاہ ساکنہ آلوسا، بانڈی پورہ‘اسد اللہ پرے ولد حاجی عبدالغنی پرے ساکنہ سید محلہ حاجن، بانڈی پورہ اورہلال احمد گنائی ولد مرحوم محمد اکرم گنائی ساکن خان محلہ وترینہ، بانڈی پورہ کے طور ہوئی ہے۔
پولیس ترجمان کے مطابق ’’تمام ملزمین کو مجاز اتھارٹی سے باضابطہ نظر بندی کے احکامات حاصل کرنے کے بعد ملک دشمن / سماج دشمن سرگرمیوں میں مسلسل ملوث ہونے پر پی ایس اے کے تحت مقدمہ درج کیا گیا ہے اور انہیں سنٹرل جیل کوٹ بھلوال جموں میں رکھا گیا ہے۔‘‘