منڈوایہ دہرادون میں سواستھ چنتن کیمپ کاافتتاح کریں گے

نئی دہلی//مرکزی وزیر صحت اور خاندانی بہبود ڈاکٹر مانڈویہ جمعہ کو اتراکھنڈ کے دہرادون میں سواستھ چنتن کیمپ کا افتتاح کریں گے ۔
صحت اور خاندانی بہبود کی مرکزی وزارت نے بدھ کو یہاں بتایا کہ دو روزہ سواستھ چنتن شیویر کا انعقاد صحت اور خاندانی بہبود کی مرکزی کونسل کے ساتھ مل کر کیا جائے گا۔ صحت اور خاندانی بہبود کے مرکزی وزیر مملکت ڈاکٹر بھارتی پروین پوار اور پروفیسر ایس پی سنگھ بگھیل اس پروگرام میں شامل ہوں گے ۔ اس میں مختلف ریاستوں اور مرکز کے زیر انتظام علاقوں کے وزرائے صحت کے ساتھ ساتھ وزارت صحت اور ریاستوں کے سینئر عہدیداروں کے شامل ہونے کی امید ہے ۔
دو روزہ پروگرام کی شروعات صحت اور خاندانی بہبود کی سنٹرل کونسل کی 14ویں کانفرنس کی کاروائی رپورٹ پیش کرنے کے ساتھ ہوگا۔ اس کے بعد ملک میں صحت کی دیکھ بھال کے مختلف پہلوو[؟][؟]ں پر توجہ مرکوز کرنے والے سیشن ہوں گے ۔ یہ سیشن آیوشمان بھارت کے چار پہلووں پر روشنی ڈالیں گے ، جن میں آیوشمان بھارت- پردھان منتری جن آروگیہ یوجنا (پی ایم جے اے وائی)، آیوشمان بھارت ڈیجیٹل مشن (اے بی ڈی ایم )، صحت اور تندرستی کے مرکز،ساتھ ہی پردھان منتری آیوشمان بھارت ہیلتھ انفراسٹرکچر مشن (پی ایم -اے بی ایچ آئی ایم ) شامل ہیں۔
دیگر سیشن قومی تپ دق کے خاتمے کے پروگرام، خسرہ، روبیلا کے خاتمے اور ہندوستان میں پی سی پی این ڈی ٹی ایکٹ کے نفاذ پر مرکوز ہوںگے ۔