چھیڑ چھاڑ کے الزام میں پرنسپل گرفتار

سرینگر//
پولیس نے سرینگر میں ایک سرکاری ہائیر سکنڈری اسکول کے پرنسپل کو چھیڑ چھاڑ کے الزام میں گرفتار کیا ہے ۔
پولیس نے پرنسپل کو پولیس اسٹیشن شالہ ٹینگ میں درج ایک ایف آئی آر میں گرفتار کیا ہے ۔
سری نگر پولیس نے منگل کو اپنے ایک ٹویٹ میں کہا’’شبیر احمد میر ولد غلام رسول میر ساکن جڈی بل سرینگر جو گورنمنٹ ہائیر سکنڈری سکول گنڈ حسی بٹ میں پرنسپل کی حیثیت سے کام کر رہا تھا‘ کو چھیڑ چھاڑ کے معاملے میں شالہ ٹینگ پولیس اسٹیشن میں آئی پی سی کے دفعات۳۵۶ڈی‘۲۹۴؍اور۵۰۶ کے تحت درج ایف آئی آر نمبر۳۱/۲۰۲۳ میں گرفتار کیا گیا‘‘۔
محکمہ اسکول ایجوکیشن جموں وکشمیر نے پرنسپل کو معطل کرکے ڈائریکٹر سکول ایجوکیشن کشمیر سے اس سلسلے میں تحقیقات کرنے کی ہدایت دی ہے ۔
متعلقہ محکمے کی طرف سے جاری ایک حکمنامے میں کہا گیا’’شبیر احمد میر پرنسپل گورنمنٹ بی ایچ ایس ایس گنڈ حسی بٹ کو جموں وکشمیر سول سروسز ( درجہ بندی، کنٹرول، اپیل) رولز۱۰۵۶کے رول نمبر۳۱کے تحت فوری طور پر معطل کیا جاتا،س کے طرز عمل کے متعلق انکوائری زیر التوا ہے ‘‘۔
حکمنامے میں مزید کہا گیا’’ ڈائریکٹر اسکول ایجوکیشن اس معاملے میں انکوائری کریں گے اور اپنی سفارشات کے ساتھ ایک تفصیلی رپورٹ پیش کریں گے۔‘‘