زلزلے کے جھٹکے ، کسی جانی یا مالی نقصان کی طلاع نہیں

سرینگر//
وادی کشمیر میں پیر کے روز زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
ریکٹر اسکیل پر زلزلے کی شدت۱ء۳ریکارڈ کی گئی جبکہ اس کی زیر زمین گہرائی۱۰کلو میٹر تھی اس کا مرکز شمالی کشمیر کا ضلع بارہمولہ تھا۔
نیشنل سینٹر فار سیسمالوجی کے مطابق کشمیر میں پیر کو دن کے۲بجکر۲۸منٹ پر زلزلے کے جھٹکے محسوس کئے گئے جس کا مرکز شمالی ضلع بارہمولہ تھا۔
سینٹر کے مطابق ریکٹر اسکیل پر زلزلے کی شدت۱ء۳ریکارڈ کی گئی جبکہ اس کی زیر زمین گہرائی ۱۰کلو میٹر تھی۔
اطلاعات کے مطابق زلزلے سے وادی کے کئی علاقوں میں خوف ہراس پھیل گیا اور لوگ برستی بارش کے بیچ گھروں سے باہر نکل کر سڑکوں پر آگئے ۔تاہم زلزلے سے کسی بھی جانی یا مالی نقصان کی کوئی اطلاع نہیں ہے ۔
بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔