سرینگر‘جموں قومی شاہراہ مرمتی کام کے پیش نظر ٹریفک کیلئے بند

جموں///
وادی کشمیر کو ملک کے باقی حصوں کے ساتھ جوڑنے والی سرینگر،جموں قومی شاہراہ مرمتی کام کے پیش نظرجمعے کے روز ٹریفک کی نقل وحمل کیلئے بند رہی ۔
ٹریفک حکام کے مطابق قومی شاہراہ سات اپریل کی صبح چھ بجے سے آٹھ اپریل کی صبح چھ بجے تک ضروری مرمتی کام کے پیش نظر ٹریفک کی نقل وحمل کیلئے بند رہے گی۔
حکام نے کہاکہ نیشنل ہاوے اتھارٹی آف انڈیا کی طرف سے قومی شاہراہ پر ضروری مرمتی کام کے پیش نظر سات اپریل کو ناشری ٹنل سے نویوگا ٹنل کے درمیان ٹریفک کے لئے بند رکھنے کا فیصلہ لیا گیا ۔
حکام نے کہاکہ جمعے کی صبح سے میڈیکل ایمرجنسی گاڑیوں کو چھوڑ کرکسی بھی چھوٹی یا بڑی گاڑی کو ناشری ٹنل سے نویوگا ٹنل کے درمیان چلنے کی اجازت نہیں دی گئی۔