یوٹیوبر صحافی پر حملے میں ملوث دو ہابرڈ ملی ٹینٹ گرفتار:پولیس

سرینگر//
جموںکشمیر پولیس نے شوپیاں میں یوٹیوبر صحافی پر حملے میں ملوث دو ہابرڈ ملی ٹینٹوں کو اسلحہ وگولہ بارود سمیت حراست میں لینے کا دعویٰ کیا ہے ۔
پولیس کے ایک ترجمان نے بتایا کہ گزشتہ سال شوپیاں کے ہر پورہ پولیس اسٹیشن کے تحت آنے والے علاقے میں یوٹیوبر صحافی پر دہشت گردوں نے حملہ کیا جس کے بعد پولیس نے ایف آئی آر زیر نمبر۲۰۲۲/۱۱۶کے تحت کیس درج کرکے ڈی ایس پی ہیڈ کواٹر کی سربراہی میں ایک خصوصی تحقیقاتی ٹیم تشکیل دی ۔
ترجمان نے کہاکہ خصوصی تحقیقاتی ٹیم نے پیشہ وارانہ صلاحیتوں کو بروئے کا ر لا کر متعدد مشتبہ افراد کو پوچھ تاچھ کی خاطر گرفتار کیا۔
ان کے مطابق دوران تفتیش صہیب ریاض ولد ریاض احمد میر اور عنایت اللہ اقبال ولد محمد اقبال وانی ساکنان سیدہ پورہ پائین نے اپنا جرم قبول کیا ۔
پولیس ترجمان نے بتایا کہ گرفتا رشدگان ٹی آر ایف نامی ممنوع دہشت گرد تنظیم کے ساتھ وابستہ ہے اور دونوں ہابرڈ ملی ٹینٹ کے بطور اپنی خدمات انجام دے رہے تھے ۔
ترجمان نے کہاکہ گرفتار ہابرڈ ملی ٹینٹوں کی نشاندہی پر پولیس اور ۴۴آر آرنے سیدہ پورہ پائین میں سیب کے باغ سے ایک پستول ، ایک میگزین، پانچ گولیوں کے راونڈ اور ایک آئی ای ڈی برآمد کرکے ضبط کی۔
پولیس ترجمان نے بتایا کہ اس سلسلے میں مزید تحقیقات جاری ہے ۔