بری برہمنہ سڑک حادثے میں موٹر سائیکل سوار ہلاک

جموں//
جموںکشمیر کے بری برہمنہ علاقے میں ٹرک نے موٹر سائیکل کو زور دار ٹکر ماری جس کے نتیجے میں موٹر سائیکل سوار کی برسر موقع ہی موت واقع ہوئی۔
سرکاری ذرائع نے بتایا کہ بدھوار شام دیر گئے بری برہمنہ جموں میں تیز رفتار ٹرک نے موٹر سائیکل کو زور دار ٹکر ماری جس وجہ سے اس پر سوار نوجوان شدید طورپر زخمی ہوا۔
ذرائع نے بتایا کہ زخمی نوجوان کو علاج ومعالجہ کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت کی خاطر پولیس نے لوگوں سے تعاون طلب کیا۔پولیس نے اس ضمن میں کیس درج کرکے مزید تحقیقات شروع کی۔