کورونا وبا پھیلانے کے بعد پہلی بار جموںکشمیر میں کوئی مثبت کیس درج نہیں

جموں//
زائد از دو سال قبل کورونا وباء پھیلنے کے بعد آج پہلی بار جموں کشمیر میں کہیں سے بھی کوئی مثبت کیس درج نہیں کیا گیا ۔
گزشتہ ۲۴ گھنٹوں کے دوران دونوں صوبوں میں اس عالمی وبا سے کوئی تازہ موت بھی درج نہیں کی گئی ہے ۔
ایک سرکاری بیان میں کہا گیا ہے کہ پچھلے چوبیس گھنٹوں کے دوران کورونا وائرس کا جموں صوبہ اور صوبہ کشمیر کے کسی بھی اَضلاع سے کوئی مثبت معاملے کی کوئی رِپورٹ نہیں آئی ہے۔
کورونا وبا پھوٹنے کے بعد ایسا پہلی بار ہوا ہے جب جموں کشمیر کے کسی بھی ضلع سے کوئی مثبت کیس سامنے نہیں آیا ہے ۔اِس طرح اَب تک مثبت معاملات کی کل تعداد۴لاکھ۵۳ہزار۸۸۹تک پہنچ گئی ہے‘ جن میں سے۷۹(صوبہ جموں میں ایک اور کشمیر صوبے میں۷۸)سر گرم معاملات ہیں۔اَب تک۴لاکھ۴۸ہزار۹۰۶؍اَفراد صحت یاب ہوئے ہیں ۔
جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳کا کشمیر سے اور۲۳۲۷کاتعلق جموں صوبہ سے ہے۔
اِسی دوران آج مزید۱۳؍اَفراد شفایاب ہوئے ہیںجن میں ایک کا تعلق جموں صوبہ اور۱۲ کا تعلق صوبہ کشمیر سے ہے۔