ی جے پی کی بی ٹیم کا کام چھوڑتے ہی کیجریوال جیل کی سلاخوں کے پیچھے ہوں گے : کانگریس

نئی دہلی،//عام آدمی پارٹی (اے اے پی) کو بھارتیہ جنتا پارٹی (بی جے پی) کی ‘بی-ٹیم’ قرار دیتے ہوئے کانگریس نے کہا کہ جس دن پارٹی کے رہنما اور دہلی کے وزیر اعلی اروند کیجریوال بی جے پی کے مفاد میں ووٹوں کی تقسیم کا کام بند کردیں گے اسی دن جیل کی سلاخوں کے پیچھے ہوں گے ۔
جمعہ کو یہاں پارٹی ہیڈکوارٹر میں ایک پریس کانفرنس سے خطاب کرتے ہوئے کانگریس ترجمان الکا لامبا نے کہا کہ پورے ملک میں اے اے پی اور بی جے پی کے درمیان ملا جلا کھیل چل رہا ہے ۔ مسٹر کیجریوال پورے ملک میں بی جے پی کی لائن پر کام کر رہے ہیں۔ انہوں نے یہی کھیل اتراکھنڈ، پنجاب، گوا اور گجرات اسمبلی انتخابات میں کھیلا اور بی جے پی کو فائدہ پہنچانے کے لیے ووٹوں کو تقسیم کیا۔
انہوں نے کہا کہ مسٹر کیجریوال ہر الیکشن میں بی جے پی کے لیے ایک جیسا کھیل کھیلتے ہیں اور پورے ملک میں بی جے پی کے مفاد میں ووٹوں کی تقسیم کے لیے اسکی ‘بی ٹیم’ کے طور پر کام کرتے ہیں۔ انہوں نے کہا کہ جب تک وہ ایسے کام کرتے رہیں گے اور بی جے پی کو فائدہ پہنچائیں گے ، مسٹر کیجریوال کھلی ہوا میں ہیں۔ جس دن اس کھیل کو بند کیا اور خود کو دہلی تک محدود رکھا، اسی دن انہیں جیل جانا پڑے گا۔
ترجمان نے کہا کہ دہلی کی شراب پالیسی کا سارا بلیو پرنٹ مسٹر کیجریوال کا تھا اور یہ کام ان کے تعاون سے ہی جاری رہا۔ انہوں نے فائلوں پر خود دستخط نہیں کیے اور تمام کام ایکسائز منسٹر منیش سسوڈیا سے کروا رہے ہیں لیکن وہ جانتی ہیں کہ مسٹر سیسودیا زیادہ دیر خاموش نہیں رہنے والے ہیں اور وہ جلد یا بدیر سب کچھ ظاہر کر دیں گے اور مسٹر کیجریوال کو اندر جانا ہی پڑے گا۔