جی ۲۰ اجلاس:چین کے نئے وزیر خارجہ ہندوستان آ رہے ہیں

نئی دہلی//
چین کے نئے وزیر خارجہ چن گینگ ہندوستان کے اپنے پہلے سرکاری دورے پر جمعرات کو یہاں پہنچیں گے ۔
چینی ذرائع کے مطابق مسٹر چن گینگ جی۲۰وزرائے خارجہ کے اجلاس میں شرکت کے لیے ہندوستان آ رہے ہیں۔ امکان ہے کہ ان کی وزیر خارجہ ایس جے شنکر کے ساتھ دو طرفہ ملاقات ہوگی۔ یہ بھی قیاس کیا جا رہا ہے کہ چینی وزیر خارجہ وزیر اعظم نریندر مودی سے ملاقات کر سکتے ہیں۔
بیجنگ میں چینی وزارت خارجہ کے ترجمان نے بھی ان کے دورے کی تصدیق کرتے ہوئے کہا کہ چین بھارت کے ساتھ اپنے تعلقات کو بہت اہمیت دیتا ہے ۔ ہندوستان اور چین قدیم تہذیبیں ہیں اور دونوں ممالک کی آبادی ایک ارب سے زیادہ ہے ۔
چینی ترجمان نے کہا کہ ہم پڑوسی ممالک اور دنیا کی ابھرتی ہوئی معیشتیں ہیں۔ چین اور بھارت کے درمیان اچھے تعلقات دونوں ممالک اور ان کے عوام کے بنیادی مفاد میں ہیں۔