رسوئی گیس سلنڈر۵۰روپے مہنگا

نئی دہلی//
تیل کی مارکیٹنگ کی کمپنیوں نے گھریلو ایل پی جی سلنڈر کی قیمتوں میں ۵۰ روپے اور کمرشیل ایل پی جی سلنڈر کی قیمتوں میں ۵۰ء۳۵۰روپے فی سلنڈر کا اضافہ کیا ہے ۔
ایل پی جی ڈسٹری بیوشن کمپنیوں کی ویب سائٹس پر آج نئی قیمتیں جاری کی گئیں، جو فوری طور پر نافذ ہو گئی ہیں۔ اس اضافے کے بعد اب دارالحکومت دہلی میں ۲ء۱۴کلوگرام رسوئی گیس سلنڈر کی قیمت۱۱۰۳روپے ہو گئی ہے ‘ جبکہ۲۹کلو کے کمرشیل سلنڈر کی قیمت ۵۰ء۲۱۱۹روپے ہوگئی۔
اس سال پہلی بار یکم جنوری کو کمرشیل سلنڈر کی قیمتوں میں اضافہ کیا گیا تھا۔ اس طرح یہ دوسری مرتبہ ہے جب اس کی قیمتوں میں اضافہ کیا گیا ہے جبکہ گھریلو رسوئی گیس سلنڈر کی قیمتوں میں یہ پہلا اضافہ ہے ۔