: ہرمن پریت ممبئی انڈینز کی کپتان ہوں گی

ممبئی، // ممبئی انڈینس نے بدھ کو ویمنز پریمیئر لیگ (ڈبلیو پی ایل) کے افتتاحی سیزن سے قبل ہرمن پریت کور کو اپنی خواتین ٹیم کی کپتان مقرر کیا۔
ہرمن پریت، جنہوں نے حال ہی میں ہندوستان کے لیے اپنا 150 واں ٹی 20 انٹرنیشنل کھیلا تھا، 20 سال کی عمر میں ڈیبیو کرنے کے بعد سے ٹیم کے لیے اہم کھلاڑی رہی ہیں۔
ارجن ایوارڈ یافتہ ہرمن پریت نے اپنے ٹی 20 انٹرنیشنل کیریئر میں 3058 رنز بنائے ہیں جس میں ایک سنچری اور 10 نصف سنچریاں شامل ہیں۔
ممبئی انڈینز کی شریک مالک نیتا امبانی نے کہاکہ "ہم ہرمن پریت کو ممبئی انڈینز کی پہلی خواتین کرکٹ ٹیم کی کپتان کے طور پر پا کر بہت پرجوش ہیں۔ قومی کپتان کے طور پر انہوں نے ہندوستانی خواتین کی ٹیم کو کچھ انتہائی سنسنی خیز فتوحات دلائی ہیں۔ مجھے یقین ہے کہ شارلٹ (ایڈورڈز) اور جھولن (گوسوامی) کے تعاون سے وہ ہماری ایم آئی ویمنز ٹیم کو بہترین کرکٹ کھیلنے کی ترغیب دے گی۔
ہرمن پریت دنیا کے دوسرے حصوں میں بیرون ملک ٹی 20 لیگز میں کھیلنے والی پہلی ہندوستانی تھیں۔ اب وہ ہیڈ کوچ شارلٹ ایڈورڈز، بولنگ کوچ جھولن گوسوامی، بیٹنگ کوچ دیویکا پالشیکر اور فیلڈنگ کوچ لیڈیا گرین وے کے ساتھ ممبئی انڈینز کی قیادت کریں گی۔
ہرمن پریت کی ٹیم ڈبلیو پی ایل2023 سیزن کا پہلا میچ 4 مارچ کو گجرات جائنٹس کے خلاف ڈی وائی پاٹل اسٹیڈیم میں کھیلے گی۔
ممبئی انڈینز اسکواڈ: ہرمن پریت کور، نٹالی سیور برنٹ، امیلیا کیر، پوجا وستراکر، یستیکا بھاٹیہ، ہیدر گراہم، ازابیل وونگ، امان جوت کور، دھارا گرجر، سائکا اسحاق، ہیلی میتھیوز، چلو ٹریٹن، حمیرا کازی، پریانکاو، یاکاو ، نیلم بشٹ، جنتی مانی کلیتا۔