نیا لوگو ڈیزائن کرنے کیلئے محکمہ اطلاعات کا مقابلے کا اعلان

جموں//
محکمہ اطلاعات اور تعلقات عامہ کے لوگو کو دوبارہ ڈیزائن کرنے کے ایک مقابلے کا آغاز آج یہاں سول سیکرٹریٹ میں ڈائریکٹر انفارمیشن ‘اکشے لابرو کی موجودگی میں کمشنر سیکرٹری، انفارمیشن ڈیپارٹمنٹ، پریرنا پوری نے کیا۔
اس موقع پر افسران سے خطاب کرتے ہوئے کمشنر سکریٹری نے مشاہدہ کیا کہ محکمہ کے لوگو کو بدلتے ہوئے وقت کے ساتھ ہم آہنگ کرنے کیلئے اسے نئے سرے سے ڈیزائن کرنے کی ضرورت محسوس کی گئی، کیونکہ میڈیا کے منظر نامے میں گزشتہ برسوں میں غیر معمولی تبدیلیاں دیکھنے میں آئی ہیں۔پوری نے اس بات پر روشنی ڈالی کہ نئے ڈیزائن کردہ لوگو کا مقصد موجودہ مواصلات اور ٹیکنالوجی کے منظر نامے کی نمائندگی کرنا ہے۔
تقریب سے خطاب کرتے ہوئے، ڈائریکٹر انفارمیشن لابرو نے کہا کہ یہ ایک شراکتی عمل ہے جس کا مقصد’جن بھاگیہ دھاری‘ ہے۔ ’’یہ ایک کھلا عوامی مقابلہ ہے اور محکمہ ایک نیا، عصری لوگو اپنانا چاہتا ہے جس کا فیصلہ ہمارے اپنے شہریوں نے کیا ہو‘‘۔
محکمہ نے عوام کو اپنے لوگو کو دوبارہ ڈیزائن کرنے کے لیے مدعو کیا ہے اور اس کے لیے گذارشات خالصتاً آن لائن ہیں۔
پہلی پوزیشن حاصل کرنے والوں کیلئے۲۵ہزار روپے‘ دوسری پوزیشن کیلئے ۱۵ہزار روپے‘ تیسری پوزیشن کیلئے دس ہزار روپے اور چوتھی اورپانچویں پوزیشن حاصل کرنے والوں کیلئے۵ہزار روپے کی انعامی رقم کا اعلان کیا گیا ہے۔ اس کے علاوہ جیتنے والوں کو تعریفی اسناد بھی دی جائیں گی۔
ہر مدمقابل سے کہا گیا ہے کہ وہ اپنے لوگو کے ڈیزائن کے بارے میں تقریباً ایک ہزار الفاظ کی مختصر وضاحت کرے۔
یہ مقابلہ اس مہینے کی ۱۶ تاریخ سے۲ مارچ ۲۰۲۳ تک کھلا ہے۔ انہیں مشورہ دیا گیا ہے کہ وہ اس شعبے کی نئی اور ابھرتی ہوئی نوعیت کو ذہن میں رکھیں جب کہ وہ اپنے متعلقہ لوگو کو محکمہ میں پیش کرنے کیلئے ڈیزائن کریں۔