کٹھوعہ:سڑک حادثے میں طالبہ از جان۱۰دیگر زخمی

جموں//
جموںکشمیر کے کٹھوعہ ضلع کے براول علاقے میں جموں پٹھان کوٹ شاہراہ پر تیز رفتار گاڑی نے متعد د طلبا کو ٹکر ماری جس وجہ سے گیارہ شدید طورپر زخمی ہوئے ۔
سرکاری ذرائع نے بتایا کہ زخمیوں کو علاج ومعالجہ کی خاطر نزدیکی ہسپتال لے جایا گیا جہاں پر ایک طالبہ زخموں کی تاب نہ لا کر دم توڑ بیٹھی۔
اطلاعات کے مطابق پیر کے روز کٹھوعہ کے براول علاقے میں سڑک کراس کر رہے طلبا کو ایک تیز رفتارگاڑی نے ٹکر ماری جس وجہ سے ایک درجن کے قریب طلبہ وطالبات زخمی ہوئے ۔انہوں نے بتایا کہ آس پاس موجود لوگوں نے زخمی طالب علموں کو ہسپتال پہنچایا تاہم ڈاکٹروں نے وہاں پر ایک کو مردہ قرار دیا۔
ذرائع کے مطابق زخمیوں میں سے کئی ایک کی حالت نازک بنی ہوئی ہے ۔
پولیس نے گاڑی کے ڈرائیور کو حراست میں لے کر تحقیقات شروع کی ۔