اونتی پورہ میں جنگجوؤں کی کمین گاہ تباہ، چار جنگجو اعانت کار گرفتار

سرینگر//
پولیس نے جنوبی کشمیر کے اونتی پورہ علاقے میں جنگجوؤں کی ایک کمیں گاہ کو تباہ کرکے لشکر طیبہ سے وابستہ چار جنگجو اعانت کاروں کو گرفتار کرنے کا دعویٰ کیا ہے ۔
کشمیر زون پولیس نے اپنے ایک ٹویٹ میں جانکاری فراہم کرتے ہوئے کہا’’پولیس اور سیکورٹی فورسز نے اونتی پورہ کے ہافو نگین پورہ جنگل علاقے میں جنگجوؤں کی ایک کمیں گاہ کو تباہ کر دیا‘‘۔
ٹویٹ میں کہا گیا ’’لشکر طیبہ سے وابستہ چار جنگجو اعانت کاروں کو گرفتار کیا گیا قابل اعترض مواد بر آمد کیا گیا‘‘۔
ٹویٹ میں کہا گیا کہ اس سلسلے میں ایک کیس درج کرکے تحقیقات شروع کی گئیں۔