گاندربل: پٹواری رشوت لیتے ہوئے رنگے ہاتھوں گرفتار:اے سی بی

سرینگر//
انٹی کورپشن بیورو (اے سی بی) نے کہا کہ انہوں نے وسطی ضلع گاندربل میں ایک پٹواری کو رشوت کا تقاضہ کرتے اور لیتے ہوئے رنگے ہاتھوں گرفتار کیا۔
بیور کے ایک عہدیدار نے بتایا کہ اے سی بی کے اہلکاروں نے گاندربل کے ہتھبورہ پٹواری حلقے میں تعینات ایک پٹواری کو شکایت کنندہ سے پچاس ہزار روپے رشوت کا تقاضا کرتے اور لیتے ہوئے رنگوں ہاتھوں پکڑ لیا۔انہوں نے کہا کہ ملزم سے یہ رقم برسر موقع ہی آزاد گواہوں کی موجودگی میں بر آمد کی گئی۔
ان کا کہنا تھا کہ اے سی بی سرینگر نے اس سلسلے میں باقاعدہ ایک کیس درج کیا ہے ۔انہوں نے بتایا کہ مذکورہ پٹواری کو موقع پر ہی گرفتار کرکے حراست میں لیا گیا۔انہوں نے کہا کہ یہ کارروائی ایک تحریری شکایت درج ہونے کے بعد عمل میں لائی گئی۔