نئی دہلی// الیکٹرانکس اور انفارمیشن ٹکنالوجی کی وزارت کے اسٹارٹ اپ ہب اور میٹا نے ایکس آر اسٹارٹ اپ پروگرام کے لیے 120 اسٹارٹ اپس اور اختراعات کاروں کا انتخاب کیا ہے جس میں سے تقریباً ایک تہائی چھوٹے اور درمیانے شہروں اور قصبوں سے ہیں۔
الیکٹرانکس اور آئی ٹی کی وزارت کی جمعہ کو جاری کردہ ایک ریلیز کے مطابق ایکسلریٹر میں شامل 30 فیصد سے زیادہ اسٹارٹ اپس پورے ہندوستان کے ٹائر دو اور ٹیئر تین شہروں سے ہیں۔
وزارت کی پہل ایم ای آئی ٹی وائی اسٹارٹ اپ ہب اور میٹانے ہی نئی دہلی میں ایکس آر اسٹارٹ اپ پروگرام کے لیے 120 اسٹارٹ اپس اور اختراعات کاروں کی فہرست کا اعلان کیا ہے ۔ یہ تقریب پورے ہندوستان میں توسیعی حقیقت (ایکس آر) صنعتی ر اختراعات کو دریافت کرنے ، پرورش اور تیزکرنے کے لئے ایم ایس ایچ اور میٹا کے درمیان تعاون کے تحت منعقد کی گئی ہے ۔
ایکس آر اسٹارٹ اپ پروگرام میں ایک ایکسلریٹر اور ایک عظیم چیلنج پر مشتمل ہے ، جس کا مقصد ملک میں ابھرتے ہوئے تکنیکی ایکو سسٹم کو فروغ دینا ہے ۔ حال ہی میں نیشنل اسٹارٹ اپ ڈے کی شروعات کی گئی تھی۔
بیان میں کہا گیا،ایکسلیٹر پروگرام میں منتخب کیے گئے 30 فیصد سے زیادہ ہندوستان بھر کے ٹیئر 2 اور ٹیئر 3 شہروں سے ہیں۔ ساتھ ہی گرینڈ چیلنج میں منتخب کردہ اختراعات اور اسٹارٹ اپ 40فیصد ٹیئر 2 اور ٹیئر 3 شہروں سے ہیں۔
ان میں 20 فیصد زیادہ اخواتین اختراع کار اور خواتین بانی/ شریک بانی کے ساتھ اسٹارٹ اپ شامل ہیں۔
ایم ایس ایچ کے چیف ایگزیکٹیوجیت وجے نے کہا،ایکس آر جیسی ابھرتی ہوئی ٹیکنالوجیز کا ڈیجیٹل ماحولیاتی نظام پر اہم اثر پڑے گا۔ ہندوستانی اسٹارٹ اپس اور اختراع کار، خاص طور پر غیر میٹرو سے ، میٹاورس جیسی ٹیکنالوجی اور انٹرنیٹ کے مستقبل کو تشکیل دینے میں اہم کردار ادا کریں گے ۔ میٹا کے ساتھ تعاون اس طرح کے اسٹارٹ اپس کو سپورٹ فراہم کرے گا اور اسکیل اپ کے لیے بہت ضروری محرک فراہم کرے گا۔
میٹا انڈیا کے پبلک پالیسی کے ڈائریکٹر شیو ناتھ ٹھکرال نے کہا، [؟]ہندوستان تعلیم، صحت کی دیکھ بھال، ایگریٹیک اور سیاحت جیسے شعبوں میں نئی ٹکنالوجیوں کی مدد سے ایک اہم ڈیجیٹل تبدیلی کے دور سے گزر رہا ہے ۔ ایک مضبوط اسٹارٹ اپ ایکو سسٹم اور مضبو ط تکنیکی ٹیلنٹ پول کے ساتھ، ٹیئر 2 اور 3 شہروں کے اسٹارٹ اپ اور اختراع کار ملک کے ڈیجیٹل مستقبل کو تشکیل دینے کے لیے تیار ہیں۔
ایکسلریٹر پروگرام 20 لاکھ روپے کی گرانٹ کے ساتھ ایکس آر ٹیکنالوجیز میں کام کرنے والے 40 ابتدائی مرحلے کے سٹارٹ اپس کی حمایت کر رہا ہے ۔ پہلے 80 اختراع کار بوٹ کیمپ میں حصہ لیں گے ، جس میں کل 16 اختراع کاروں کو 20 لاکھ روپے فراہم کیے جائیں گے اور انہیں ایک کم از کم قابل عمل پروڈکٹ (ایم وی پی) / پروٹوٹائپ کو فرغ دینے میں مدد کرنے کے لیے مزید مدد فراہم کی جائے گی۔