دہلی// لوک سبھا کے اسپیکر اوم برلا نے آج پارلیمنٹ ہاؤس کے احاطے میں پارلیمانی ڈیموکریسی ریسرچ اینڈ ٹریننگ انسٹی ٹیوٹ ( پرائڈ ) کے زیر اہتمام "ممبران پارلیمنٹ کے فائدے کے لیے پدم ایوارڈ یافتہ افراد کی کارکردگی” منعقدہ پروگرام میں شرکت کرتے ہوئے پدم ایوارڈ یافتہ افراد سے بات چیت کی۔ .
اس پروگرام کے تحت لوک سبھا کے اسپیکر نے اراکین پارلیمنٹ کو ایک پلیٹ فارم فراہم کرنے کی پہل کی ہے ۔ اس کے تحت ملک کی مختلف ریاستوں کے سماجی اور ترقیاتی کاموں کے شعبوں میں ممتاز سماجی کارکنوں کے ذریعے کئے گئے بہترین کارناموں سے واقف کرایا جاتا ہے ، جس کے لئے انہیں اس باوقار پدم ایوارڈز سے نوازا گیا ہے ۔
اس پریزنٹیشن کا مقصد اراکین پارلیمنٹ کو ملک بھر میں مختلف شعبوں میں کئے گئے بہترین کارناموں سے آگاہ کرنا ہے ۔ اس کا مقصد یہ ہے کہ اگر مناسب ہو تو ممبر اسمبلی اپنے حلقے میں ترقیاتی کاموں کے لیے وہی ماڈل اپنا سکتا ہے ۔ اس پریزنٹیشن کے ذرویعے پدم ایوارڈ یافتہ افراد اپنے حلقوں میں اس طرح کی پہل کرنے میں اراکین پارلیمنٹ کی رہنمائی کرتے ہیں۔ زراعت، مویشی پالن اور بائیو گیس، زرعی حیاتیاتی تنوع کے تحفظ سے لے کر معذور افراد کی بازآبادکاری ، سوچھ بھارت مشن اور مائیکرو فائنانس اور سیلف ہیلپ گروپس سے لے کر مختلف موضوعات پر پدم ایوارڈ یافتہ افراد کے ذریعہ پریزنٹیشنز پیش کیے جاتے ہیں۔
یہ پلیٹ فارم ممتاز سماجی کارکنوں کے پدم ایوارڈ یافتہ افراد کو اپنی مہارت کے متعلقہ شعبوں میں اپنے تجربات کا اشتراک کرنے کا موقع فراہم کرتا ہے جسے پھر ملک بھر میں اپنایا جا سکتا ہے ۔ نیز یہ پلیٹ فارم ممبران پارلیمنٹ کے لیے اپنے اپنے حلقوں میں ترقیاتی کاموں کو بڑھانے کے لیے انتہائی اہم ہے جہاں وہ اپنے حلقوں کی فلاح و بہبود کے لیے ملک کے بہترین ماڈل کو اپنا سکتے ہیں۔