بھاجپا کی ترنگا ریلی گھنٹہ گھر پر قومی پرچم لہرایا

سرینگر//
جموںکشمیر کی گرمائی راجدھانی لالچوک کے تاریخی گھنٹہ گھر پر بی جے پی رہنماوں نے ترنگا لہرایا ۔
اطلاعات کے مطابق بی جے پی جنرل سیکریٹری اشوک کول کی سربراہی میں بھاجپا کارکنوں نے یوم جمہوریہ کے موقع پر سرینگر کے قلب لالچوک میں ریلی نکالی۔
معلوم ہوا ہے کہ بی جے پی رہنماوں نے تاریخی گھنٹہ گھر پر ترنگا بھی لہرایا۔
اس ریلی میں بی جے پی جنرل سیکریٹری اشوک کول ، بی جے پی ترجمان الطاف ٹھاکر کے علاوہ دیگر سینئر لیڈران بھی موجود رہے ۔
بی جے پی کے ترجمان الطاف ٹھاکر نے اس موقع پر نامہ نگاروں سے بات چیت کے دوران بتایا کہ یوم جمہوریہ کا دن جشن کے طورپر منایا جارہا ہے ۔انہوں نے کہاکہ کشمیر بھارت کا اٹوٹ انگ ہے اور ہم لالچوک سے یہی پیغام دینا چاہتے ہیں کہ بھارت جڑا ہوا ہے ۔
ٹھاکر کے مطابق کنیا کماری سے کشمیر تک بھارت ایک ہے اور پانچ اگست۲۰۱۹کو مرکزی حکومت نے جو فیصلہ لیا وہ غیر معمولی اہمیت کا حامل تھا اور اُس فیصلے سے ہی کشمیر میں حالات پوری طرح سے معمول پر آئے ہیں۔